ჯანჯღავა: თუ რაციონიდან ცხიმს მთლიანად ამოვიღებთ, ღვიძლი თავისი თავის მონელებას დაიწყებს
„დიეტა ნიშნავს ჯანსაღი ცხოვრების წესს, სადაც დაბალანსებული, რაციონალური კვება იგულისხმება. მაგრამ ხანდახან არის გამონაკლისი მდგომარეობები, როდესაც პაციენტი ცდილობს დიეტა დაიცვას, მაგრამ ვერ იკლებს წონაში. ასეთ შემთხვევებში აუცილებელია ჩატარდეს კლინიკური ანალიზები. ჯანსაღი ცხოვრებისთვის და წონაში დაკლებისთვის საჭიროა 6-8 საათიანი ძილი“, — ამბობს შოთა ჯანჯღავა.
ენდოკრინოლოგის თქმით, აუცილებელია ყოველდღიურად ცხიმების მიღება, მცირე რაოდენობით მაინც, რადგან ვიტამინების ასათვისებლად ორგანიზმს ცხიმები სჭირდება.
