„საქართველოს დელეგაციას დავოსის ფორუმზე, ფორმატიდან გამომდინარე, ყოველთვის აქვს ხოლმე კონკრეტული დღის წესრიგი — საქართველოს გაცნობა, ქვეყანაში არსებული პოტენციალის მაქსიმალური წარმოჩინება და იმ პოლიტიკური განაცხადის კარგად მიწოდება ბიზნესისა და პოლიტიკური ელიტისთვის, რომლებიც, ზოგადად, მონაწილეობენ მსოფლიოში საინვესტიციო თუ ბიზნეს–პროექტების გადაწყვერტილებების მიღების საქმეში", — აღნიშნა ლევან კალანდაძემ.
იანვრის ბოლოს გამართულ დავოსის მსოფლიო ეკონომიკურ ფორუმზე საქართველოს ქვეყნის პრემიერ-მინისტრი გიორგი კვირიკაშვილი წარადგენდა. მსოფლიო ეკონომიკური ფორუმი (World Economic Forum) — საერთაშორისო არასამთავრობო ორგანიზაციაა. ფორუმის წევრები მსოფლიოს 50 ქვეყნის ათასამდე მსხვილი კომპანია და ორგანიზაციაა. ფორუმის წევრი ტიპური კომპანია — წელიწადში 5 მლრდ დოლარის ბრუნვის მქონე კომპანიაა.
