გვითხარით როგორია თქვენი ნაძვის ხე და გეტყვით როგორი ხართ თქვენ

CC0 / Pixabay / Larisa-K / ახალი წელი
ახალი წელი - Sputnik საქართველო
გამოწერა
სულ რამდენიმე დღეა, რაც ახალმა წელმა შემოაბიჯა და თითქმის ყველა სახლში ციმციმებს საახალწლო განათებები და ფერად-ფერადი ნაძვის ხეები. დღეს ნაძვის ხის იმდენი სახის მოსართავი, დეკორაცია, სათამაშო თუ აქსესუარია, რომ არჩევანმა შეიძლება თავბრუც კი დაგვახვიოს.

ყველა ჩვენგანი საკუთარი გემოვნებით ვრთავთ ნაძვის ხეს, ჩვენ თვითონ ვირჩევთ დიდი ნაძვის ხე გვინდა თუ შედარებით პატარა, ხელოვნური თუ ბუნებრივი, სათამაშოებით გადატვირთული თუ სადა და მოკრძალებული. აღმოჩნდა, რომ ნაძვის ხეს, თურმე, ბევრი რამის თქმა შეუძლია ადამიანის პიროვნებაზე.

მოკლედ, შეხედეთ თქვენ მიერ გაფორმებულ ნაძვის ხეს და ჩვენი სახალისო ტესტი გეტყვით, როგორი ხართ თქვენ: მშვიდი თუ მოკრძალებული, ან იქნებ ყველაზე კომუნიკაბელური ხართ? მოდით, გავარკვიოთ.

© Pixabay / geraltვარსკვლავები ხელისგულზე
გვითხარით როგორია თქვენი ნაძვის ხე და გეტყვით როგორი ხართ თქვენ - Sputnik საქართველო
ვარსკვლავები ხელისგულზე

1. მოკრძალებული ნაძვის ხე

თუ თქვენი ნაძვის ხე ორი ან, მაქსიმუმ, სამი ფერის სათამაშოთია მორთული, ნათურებისა და დამატებითი აქსესუარების გარეშე, ეს ნიშნავს, რომ საკმაოდ კონსერვატიული ადამიანი ხართ, საკუთარ თავში დარწმუნებული და ზუსტად იცით რა გჭირდებათ. თქვენთვის ადვილი არ არის თქვენი კომფორტის ზონის დატოვება და უჩვეულო ან ახალი თავგადასავლების მოსინჯვა.

თქვენ საიმედო ადამიანი ხართ და მუდამ მზად ხართ სხვების მხარდასაჭერად. მოგწონთ წესები და ყოველთვის ცდილობთ დაიცვათ ისინი. ასევე მოგწონთ, როდესაც თქვენს ცხოვრებაში ყველაფერი წინასწარ გარკვეული და დაგეგმილია. შეიძლება გაგიჟდეთ, როცა რამე მოულოდნელად ხდება.

2. „უნიკალური“ ნაძვის ხე

თუ გირჩევნიათ, რომ თქვენი ნაძვის ხე იყოს ნებისმიერი სხვა ფერის, გარდა მწვანისა, ეს ნიშნავს, რომ მოგწონთ ხალხისგან გამორჩევა და საკუთარი გზით წასვლა. არ გეშინიათ ხმაურის და ხშირად არღვევთ წესებს. თქვენ გაბედული ადამიანი ხართ, ასევე თვითგამოხატვა და პირადი სივრცე ბევრს ნიშნავს თქვენთვის.

ყოველთვის გახსნილი ხართ ნებისმიერი სიახლისთვის და მზად ხართ ექსპერიმენტებისთვის. სირთულეები თითქმის არასდროს გაშინებთ და შეგიძლიათ გაუმკლავდეთ მათ.

© video: Sputnikმუსიკალური ნაძვის ხე „ელენიკო"
გვითხარით როგორია თქვენი ნაძვის ხე და გეტყვით როგორი ხართ თქვენ - Sputnik საქართველო
მუსიკალური ნაძვის ხე „ელენიკო"

3. ნაძვის ხე „ყველა სათამაშო, რაც მაქვს“

თუ ნაძვის ხეზე ყველა იმ სათამაშოს დაკიდებთ, რომელიც სახლში გაქვთ, ეს იმაზე მიუთითებს, რომ არათანმიმდევრული ადამიანი ხართ. ხშირად ცვლით გეგმებს, რადგან შეიძლება თქვენთვის რთული იყოს არჩევანის გაკეთება და მხოლოდ ერთზე შეჩერება. ამავე დროს მარტივად პოულობთ კომპრომისებს და ცდილობთ ყველას გახარებას.

ბევრი ფიქრის მერე იღებთ გრძელვადიან გადაწყვეტილებებს, ყველაფერს კარგად აწონ-დაწონით. ცდილობთ წინასწარ გაიგოთ ნებისმიერი სიტუაციის დადებითი და უარყოფითი მხარეები. თქვენს გარემოცვაში სხვადასხვა სამყაროს ხალხია და თქვენ არაჩვეულებრივი უნარი გაქვთ, თითოეულ მათგანთან შესანიშნავი ურთიერთობა გქონდეთ.

4. რაც შეიძლება მეტად განათებული ნაძვის ხე

საახალწლო განათებების მიმართ თქვენი სიყვარული შეიძლება მიანიშნებდეს იმაზე, რომ კაშკაშა, დამოუკიდებელი ადამიანი ხართ. სარგებლობთ თქვენი ინდივიდუალურობით და ცდილობთ ყურადღების ცენტრში იყოთ. სხვების მოსაზრებები თქვენთვის ბევრს არაფერს ნიშნავს, პირადი გამოცდილება კი თქვენი მთავარი მრჩეველი და ცოდნის ერთადერთი წყაროა.

ცდილობთ გაამრავალფეროვნოთ თქვენი ცხოვრება და ხშირად იღებთ წვეულებებსა და შეხვედრებზე მოსაწვევებსაც. თქვენ არ ხართ სახლის ადამიანი, პირიქით, საოცრად კომუნიკაბელური ხართ და გიყვართ დროის ტარება ხმაურიან კამპანიებში. მარტივად იძენთ ახალ მეგობრებს, რადგან თქვენთვის ძალიან ადვილია სხვებთან ურთიერთობა.

© Photo: Courtesy of Irma Frangishviliეკო ნაძვის ხე
გვითხარით როგორია თქვენი ნაძვის ხე და გეტყვით როგორი ხართ თქვენ - Sputnik საქართველო
ეკო ნაძვის ხე

5. ნაძვის ხე „ყველაფერს ერთმანეთში შევურევ“

თუ თქვენს ნაძვის ხეზე უამრავი სათამაშო და ასევე უამრავი განათებაა, მაშინ თქვენ მეოცნებე ხართ და არაპროგნოზირებულად მოქმედებთ. თქვენ ღია ხართ ყველა შესაძლებლობისთვის, რასაც სიცოცხლე გთავაზობთ. მრავალი საქმიანობისა და იდეების გამო ზოგჯერ ბოლომდე არ ასრულებთ ერთ რამეს და უკვე მეორეს იწყებთ.

თქვენ ყოველთვის ნახავთ გამოსავალს ნებისმიერი სიტუაციიდან. გაქვთ ხალხთან ურთიერთობის ნიჭი, რაც გეხმარებათ მათი ნდობისა და მხარდაჭერის მოპოვებაში. მათ იციან, რომ ნებისმიერ საკითხზე შეუძლიათ მოგმართონ და რთულ სიტუაციაში მარტო არ დატოვებთ.

© FB / Wall Christmas Treeკედლის ნაძვის ხე
გვითხარით როგორია თქვენი ნაძვის ხე და გეტყვით როგორი ხართ თქვენ - Sputnik საქართველო
კედლის ნაძვის ხე

6. ნაძვის ხე „ზომას რა მნიშვნელობა აქვს“

თუ თქვენ პაწაწინა ნაძვის ხე გაქვთ, მაგიდაზე ან ფანჯრის რაფაზე რომ ეტევა, ეს ნიშნავს, რომ ნამდვილად არ მოგწონთ სიურპრიზები და ცხოვრების წესის ცვლილებები. ხართ მოკრძალებული და მშვიდი, არ ცდილობთ ზედმეტი ყურადღება მიიპყროთ, რადგან ეს არ გჭირდებათ.

აფასებთ იმას, რაც გაქვთ და არ ცდილობთ ხალხზე შთაბეჭდილების მოხდენას. ფიქრობთ, რომ ადამიანი უნდა იყოს ინდივიდუალური და ნამდვილი, ყოველგვარი ყალბი გალამაზების გარეშე და ცდილობთ დაიცვათ ეს წესი. ყოველთვის იცით, რა გინდათ ცხოვრებისგან.

 

ყველა ახალი ამბავი
0