წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
13-21 დეკემბერის პერიოდი
13-21 დეკემბერის პერიოდი მშვილდოსნის ნიშნის მესამე დეკადას განეკუთვნება.
ამ დეკადას სატურნი მართავს. ეს პლანეტა ამ ადამიანებს ანიჭებს ძალას, გონივრულობას, სიმტკიცესა და წინდახედულებას.
მნიშვნელოვანი წლებია: 19, 36, 38, 40, 45, 57, 75.
ამ პერიოდში დაბადებულთა სიმბოლოა ლოტოსი.
ამ პერიოდში დაბადებულები სანდო ადამიანები არიან, აქვთ მტკიცე ხასიათი, ნებისყოფა. შეუძლიათ საქმიანი რჩევების მიცემა, არ არიან ეგოისტები.
14 დეკემბერს დაბადებულები
14 დეკემბერს დაბადებულებს უყვართ რისკი; ჭეშმარიტი ავანტიურისტები არიან; მაგალითად, ისინი ყვინთავენ სპეციალური აღჭურვილობის გარეშე, არ იცვამენ სამაშველო ჟილეტებს. ძალიან ხშირად, ამ დღეს დაბადებულებს უმართლებთ, რაც საკუთარი ძალების რწმენას მატებს, ეს კი კვლავ და კვლავ გარისკვისკენ უბიძგებს.
14 დეკემბერს დაბადებულები გამოცდილების მიღებაზე არიან ორიენტირებული, რაც მათთვის საიმედოობაასა და სტაბილურობაზე მნიშვნელოვანია. არიან მკვლევარები, ეძებენ ახალს, ეცნობიან სამყაროს, ძალებს საქმიანობის სხვადასხვა სფეროში ცდიან. ეს ადამიანები ცხოვრებისგან სიამოვნებას მაშინ იღებენ, როცა ის, მათი აზრით, სავსეა მოვლენებით.
14 დეკემბერს დაბადებული მშვილდოსნები მომავლისკენ იყურებიან. მიიწევენ წინ, იღებენ გამოცდილებას, შემდეგ კვლავ ადგებიან გზას ახალი ცოდნისა და შთაბეჭდილებების მისაღებად. ასეთ ადამიანებთან ცხოვრება საკმაოდ რთულია, რადგან მათი ცხოვრების რიტმზე აყოლა ბევრს არ შეუძლია.
ეს ადამიანები არ არიან სტრატეგები. მოქმედება ურჩევნიათ - ფიქრის დრო არა აქვთ, უნდა იმოქმედონ. შეჩერებები გზაში არ უყვართ. მათთვის გზა უფრო მნიშვნელოვანია, ვიდრე თუნდაც კომფორტული სახლი.
ამ დღეს დაბადებულებს ხშირად ექსჰიბიციონისტებს უწოდებენ, მაგრამ პრაქტიკა აჩვენებს, რომ მათ იციან, როდის და როგორ წარმოადგინონ საზოგადოების სამსჯავროზე თავიანთი შრომის ნაყოფი. მათ არ უყვართ, როცა ვინმე მათი საქმიანობის პროცესში ერევა.
თუ ხელმძღვანელობის მხრიდან ზედმეტი კონტროლი იგრძნეს, მაშინვე ახალი სამსახურის ძებნას იწყებენ. ანალოგიურად იქცევიან, როცა მათ არ აღიარებენ.
ჯანმრთელობა
რისკის მოყვარულებს საფრთხე ყოველ ფეხის ნაბიჯზე ელოდება. ისინი უნდა ერიდონ სიტუაციებს, სადაც ტრავმების მიღების ალბათობა მაღალია, მაგრამ მათი ცხოვრების წესიდან გამომდინარე, ეს საკმაოდ რთულია. ასევე, არ უყვართ ექიმთან დროული მისვლა. ფსიქოლოგიური თვალსაზრისით მათთვის საფრთხის შემცველია აგრესიის შეკავება, რისთვის რეკომენდებულია სპორტის სხვადასხვა სახეობა.
რჩევა:
დაიცავით ზომიერება ყველაფერში, იქნება ეს საკუთარ თავზე აღებული ვალდებულებები, სტიმულატორებისა თუ ალკოჰოლის გამოყენება თუ სხვა რამ.
