19:34 22 იანვარი 2021
პირდაპირი ეთერი
  • EUR4.0064
  • 100 RUB4.4826
  • USD3.3010
კარგი ამბები
მოკლე ბმულის მიღება
39 0 0

გაეცანით 13 დეკემბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

13-21 დეკემბერის პერიოდი

13-21 დეკემბერის პერიოდი მშვილდოსნის ნიშნის მესამე დეკადას განეკუთვნება.

ამ დეკადას სატურნი მართავს. ეს პლანეტა ამ ადამიანებს ანიჭებს ძალას, გონივრულობას, სიმტკიცესა და წინდახედულებას.

მნიშვნელოვანი წლებია: 19, 36, 38, 40, 45, 57, 75.

ამ პერიოდში დაბადებულთა სიმბოლოა ლოტოსი.

ამ პერიოდში დაბადებულები სანდო ადამიანები არიან, აქვთ მტკიცე ხასიათი, ნებისყოფა. შეუძლიათ საქმიანი რჩევების მიცემა, არ არიან ეგოისტები.

13 დეკემბერს დაბადებულები

13 დეკემბერს დაბადებულები ერთდროულად იდეალისტი და პრაქტიკოსი არიან. მათ შეუძლიათ დაინახონ და შეაფასონ როგორც მსოფლიოს გლობალური სურათი, ისე სიტუაციის წვრილმანებიც. აზროვნებენ ფილოსოფიურად, გამოირჩევიან ანალიტიკური ჭკუით, მაგრამ მათ მოსაბეზრებელ „აკადემიკოსებს“ ვერ უწოდებ. ამ დღეს დაბადებულებისთვის მნიშვნელოვანია პროცესებისთვის არა თვალყურის დევნება, არამედ მასში უშუალო მონაწილეობა.

ამ ადამიანებს შესანიშნავად შეუძლიათ დაგეგმვა. მათი სტრატეგიები პერსპექტიულია, ხოლო ტაქტიკა - ეფექტური. ისინი ხშირად არჩეული საქმის ერთგული არიან. თვითრეალიზებას საქმეში ახდენენ, რაც მათი ცხოვრების მეგზურებზე ხშირად უარყოფითად აისახება, რადგან თავს მეორეხარისხოვან როლში გრძნობენ.

13 დეკემბერს ამბიციური და მიზანსწრაფული მშვილდოსნები იბადებიან. ისინი ორიენტირებული არიან საქმეზე, ისწრაფვიან პროფესიული განვითარებისკენ. თავის განვითარებაში ისინი დიდ ძალასა და სახსრებს დებენ, რაც მათ ათმაგად უბრუნდებათ.

როგორც წესი, ამ დღეს დაბადებულები წარმატებული ადამიანები არიან; სწრაფად იკეთებენ კარიერას, იღებენ მაღალ სოციალურ, მატერიალურ სტატუსს, მაგრამ მიღწეულზე არ ჩერდებიან.

13 დეკემბერს დაბადებულები წინ მუდამ ხედავენ გლობალურ მიზანს, მაგრამ დეტალები მხედველობიდან არ ეპარებათ - ამჩნევენ წვრილმანებს და მას სამუშაო პროცესის ოპტიმიზაციისთვის იყენებენ. ისინი რაციონალისტები და შესაშური ადმინისტრატორები არიან, კარგად გამოსდით პროექტების მართვა, ადამიანების ორგანიზება. თუ მოინდომებენ, გუნდში ძლიერი ლიდერის პოზიციებს თავისუფლად დაიკავებენ.

ჯანმრთელობა

13 დეკემბერს დაბადებულები, სხვა მშვილდოსნებისგან განსხვავებით, საკუთარ ჯანმრთელობაზე ზრუნავენ და ხშირად ზედმეტიც მოსდით - მათ ძალიან უყვართ თვითმკურნალობა. ამის შედეგად კი ხშირად ავადმყოფობა უფრო ძლიერდება და ექიმთან მისვლის შემდეგ მკურნალობა რთულდება. მათი სუსტი ორგანოებია საჭმლის მომნელებელი სისტემა, ხანდახან კანის დაავადებებიც აწუხებთ.

რჩევა:

თქვენ ძალიან გიყვართ საკუთარი თავი, მაგრამ ეს პათოლოგიურ სიყვარულში არ უნდა გადაიზარდოს. საკუთარი თავით ტკბობა არაფერ კარგს არ მოგიტანთ.

მთავარი თემები