23:01 23 ნოემბერი 2020
პირდაპირი ეთერი
  • EUR3.9215
  • 100 RUB4.3481
  • USD3.3073
კარგი ამბები
მოკლე ბმულის მიღება
215920

როგორი იქნება 2021 წელი ვერძებისთვის, რას მოუტანს ის ვერძის ნიშნით დაბადებულ ქალებსა და მამაკაცებს ცხოვრების სხვადასხვა სფეროში – გაეცანით ჩვენს ჰოროსკოპს

ვერძებმა წლის დასაწყისიდანვე უნდა გააცნობიეროთ, რომ ცხოვრება არა წარსულის მტკივნეული მოგონებები, არამედ აწმყო და მომავალია. უნდა განეწყოთ პოზიტიურად და დაივიწყოთ წარსულთან დაკავშირებული პრობლემები.

ვერძი – ცეცხლოვანი, მამაცი, ამბიციური, ენერგიული და ავტორიტარი – ზოგადი დახასიათება>>

ვერძი მამაკაცი

მამაკაც ვერძებს ყველაზე მეტად ფინანსურ და საქმიან სფეროში გაგიმართლებთ, რადგან სწორედ თქვენ ავლენთ ყველაზე მეტ აქტიურობასა და მიზანსწრაფულობას. 2021 წელი თითქოს სწორედ ვერძებისთვისაა განკუთვნილი, მაგრამ არ უნდა დაკარგოთ საკუთარი თავის კონტროლი და რწმენა.

ფინანსები და სამუშაო: მოერიდეთ დიდ რისკებს. იმისთვის, რომ ხელმძღვანელობაზე საუკეთესო შთაბეჭდილება მოახდინოთ, მეტი პასუხისმგებლობა გამოიჩინეთ.

სიყვარული და ურთიერთობები: ამ სფეროში გარკვეული უსიამოვნო სიურპრიზებია მოსალოდნელი, განსაკუთრებით წლის პირველ ნახევარში.

განწყობა და ჯანმრთელობა: 2021 წელს ადგილი არ უნდა ჰქონდეს უსიამოვნო მოგონებებს. თუ წარსულის შეცდომების გამო დასჯით თავს, ჰორიზონტზე შეიძლება კიდევ უფრო მეტი უსიამოვნება გამოჩნდეს. ეს, რა თქმა უნდა, უარყოფითად მოქმედებს განწყობასა და ჯანმრთერლობაზე.

ვერძი ქალი

ქალ ვერძებსაც გაგიმართლებთ, მაგრამ ცოტა განსხვავებული მიმართულებებით. მთლიანობაში 2021 წელს თქვენი განწყობა უნდა იყოს „წინ და მხოლოდ წინ“. მიზნების მიღწევა თქვენი შეუპოვრობით მოგიწევთ.

ფინანსები და სამუშაო: წელს ფულის ეკონომია უნდა გასწიოთ. ასტროლოგები გირჩევენ, საყიდლების გეგმა წინასწარ შეადგინოთ, არ აიღოთ კრედიტი.

სიყვარული და ურთიერთობები: ეს ის სფეროა, რომელშიც ქალ ვერძებს მამაკაცებზე მეტად გაგიმართლებთ. უნდა გამოიჩინოთ მეტი ინიციატივა. თუ, მაგალითად, ვინმე მოგეწონათ, დაუყოვნებლივ იმოქმედეთ.

განწყობა და ჯანმრთელობა: თქვენი განწყობა პირდაპირ იქნება დაკავშირებული თქვენს წარმატებებზე სიყვარულში და საქმეებში. სწორედ ამიტომ ექსპერტები გირჩევენ, წლის დასაწყისშივე სწორად გაანაწილოთ პირორიტეტები და ყველა საქმე დეტალურად დაგეგმოთ. ვარსკვლავები ბედნიერების მოპოვებაში დაგეხმარებიან.

მთავარი თემები