10:14 01 დეკემბერი 2020
პირდაპირი ეთერი
  • EUR3.9840
  • 100 RUB4.3704
  • USD3.3253
კარგი ამბები
მოკლე ბმულის მიღება
236 0 0

გაეცანით 27 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

27 ოქტომბერს დაბადებულები

27 ოქტომბერს დაბადებულებს ძალზე ფაქიზი ინტუიცია აქვთ, მათი ინტუიცია ტელეპათიას ემიჯნება. ხანდახან მათ ექსტრასენსებად მიიჩნევენ. სინამდვილეში, არიან გამჭრიახი ადამიანები, კარგად ესმით ადამიანის ბუნებისა და მოვლენების გამოცნობაში ეხმარება დაკვირვების უნარი, ანალიტიკური ჭკუა.

ამ დღეს დაბადებულებს კიდევ ერთი ძლიერი მხარე აქვთ - მდიდარი წარმოსახვა; შეუძლიათ სახეობრივად აზროვნება, როდესაც რთულ ამოცანებს წყვეტენ. ასეთი დამოკიდებულება პრობლემის სხვადასხვა პერსპექტივაში დანახვაში ეხმარება მათ. შედეგად, მათი ნამუშევარი ხშირად უჩვეულოა, რამდენადმე უცნაური, მაგრამ გადაწყვეტილება - ყოველთვის სწორი.

27 ოქტომბერს დაბადებული მორიელები ამბიციური არიან. ისინი ორიენტირებული არიან საკუთარ სარგებელზე. ამ სარგებელს შეიძლება ჰქონდეს როგორც მატერიალური, ისე არამატერიალური ხასიათი. გამჭრიახი ჭკუა-გონების პატრონებმა კარგად იციან, როგორ მიაღწიონ დასახულ მიზნებს.

ზოდიაქოს ნიშნების ვენდეტა>>

ამ დღეს დაბადებულები სხვა გზასაც ირჩევენ - სამართლიანობის წყურვილი მათ უბიძგებს, იბრძოლონ კორუფციის, პროფესიული შევიწროებისა და სხვა უსამართლობის წინააღმდეგ. მორიელი, რომელიც ადამიანის ულებების დასაცავად იბრძვის, არანაკლებ ეფექტურია, ვიდრე, მაგალითად, ბიზნესმენი ან პოლიტიკოსი.

ამ ადამიანებს, ისევე, როგორც, ზოგადად, მორიელებს, აგრესიულობა სჩვევიათ, არიან ძლიერი პიროვნებები. აგრესიულობას კი მათი მგრძნობიარობა აწონასწორებს, არიან აქტიური, საქმიანი პიროვნებები.

27 ოქტომბერს დაბადებულებისთვის საქმიანობის პრიორიტეტული სფეროებია ბიზნესი, ეკონომიკა, ასევე თავიანთ თავს პოულობენ საზოგადოებრივ საქმიანობაში, პოლიტიკაში. მათთვის მთავარია, გაუძღვნენ, კურირებდნენ დიდ პროექტებს.

ამ ადამიანებს არ უყვართ წვრილმანებზე „დახურდავება“. ბუნებით გლობალისტი არიან. განათლების მიღების პარალელურად ცდილობენ, არჩეულ სფეროში პრაქტიკული გამოცდილებაც მიიღონ, რაც მათ სწრაფ კარიერულ სვლაში ხელს უწყობს.

ჯანმრთელობა

27 ოქტომბერს დაბადებულების ძირითადი პრობლემა ნერვული გამოფიტვაა. ისინი უზარმაზარ ენერგიას ხარჯავენ, მარაგს კი არ ივსებენ. ძალების აღსადგენად მათ სრულფასოვანი დასვენება და ემოციური საკვები ესაჭიროებათ. ნერვული და ფიზიკური გამოფიტვა მათ გულის, სისხლძარღვების, საჭმლის მომნელებელი სისტემის ორგანოების დაავადების საფრთხე უქმნის.

რჩევა:

დაიმახსოვრეთ, რომ ზომიერება ფსიქიკური და ფიზიკური ჯანმრთელობის შენარჩუნების უბრალო საიდუმლოა. ასევე ერიდეთ რაიმეს დაჟინებას, ნუ „ჩაიციკლებით“ ნურაფერზე.

მთავარი თემები