23:48 18 სექტემბერი 2020
პირდაპირი ეთერი
  • EUR3.7603
  • 100 RUB4.2518
  • USD3.1886
კარგი ამბები
მოკლე ბმულის მიღება
747 0 0

გაეცანით 27 აგვისტოს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 აგვისტო - 2 სექტემბერი

ეს პერიოდი ქალწულის ნიშნის პირველ დეკადას განეკუთვნება.

მათი მფარველი პლანეტაა მზე, რომელიც ქალწულის თანავარსკვლავედთან ერთად ამ პერიოდში დაბადებულებს თავშეკავებულ და წყნარ ხასიათს ანიჭებს; თუმცა, გარკვეულ მომენტებში, შესაძლოა, ძალზე იმპულსური გახდნენ. ამ პერიოდის ადამიანების განმასხვავებელი ნიშანია უზადო წესრიგი, კომფორტი და წონასწორობა.

Знаки зодиака, дева
© Sputnik / Maria Tsimintia
ქალწული

მნიშვნელოვანი წლებია: 21, 31, 50, 51.

23 აგვისტო - 2 სექტემბრის პერიოდში დაბადებულთა სიმბოლოა დელფინიუმი. ამ ადამიანებს შეუძლიათ სხვებისგან ბრძანებებისა და სხვადასხვა ინსტრუქციების უსიტყვოდ შესრულების მოთხოვნა, მაგრამ თვითონ სხვისი ბრძანებების შესრულება არ უყვართ.  ისინი, სხვებისგან განსხვავებით, ხშირად ხვდებიან არასტანდარტულ სიტუაციებში, მათ ხშირად ადანაშაულებენ სხვადასხვა საქციელსა და შეცდომაში. მათ უნდა ისწავლონ საკუთარი ძალების რწმენა და სიცოცხლის სიყვარული. თავად უნდა გახდნენ მეტად პასუხისმგებლიანი მანამ, სანამ ამას სხვებისგან მოითხოვენ.

27 აგვისტოს დაბადებულები

27 აგვისტოს მრავალმხრივი ნიჭით დაჯილდოებული, მძლავრი სასიცოცხლო ენერგიის მქონე, დამოუკიდებელი ადამიანები იბადებიან. თუმცა, ზედმეტი იმპულსურობა მათ ცხოვრებაში მოუტანს როგორც აღმაფრენებს, ისე ვარდნებს. 27 აგვისტოს დაბადებულები ცხოვრებისეულ გზაზე სხვადასხვა მოულოდნელობებსა და პრობლემებს აწყდებიან. თუ ამ პრობლემებს გადალახავენ, ცხოვრების ხელსაყრელ და წარმატებულ პირობებს შეიქმნიან. აქვთ რა განვითარებული ინტუიცია, ფინანსურ საქმეებში გაუმართლებთ. ასევე წარმატებები ელოდებათ პირად ცხოვრებაშიც.

ამ დღეს დაბადებულებს კეთილი გული აქვთ, ყოველთვის ისწრაფვიან სუსტების, დაზარალებულების, ღარიბების დასახმარებლად. თანაგრძნობა და გულმოწყალება მათ გარემოს გაუმჯობესებასა და უსამართლობის აღმოფხვრაზე ფიქრს აიძულებს. სწორედ ამიტომ ხშირად კანონიერებისთვის მებრძოლებად გვევლინებიან. გარშემომყოფების ბედნიერებასა და კეთილდღეობაზე ზრუნვის გამო ხშირად საყოველთაო სიყვარულით სარგებლობენ და მნიშვნელოვან წარმატებებს აღწევენ. თუმცა, არიან ქედმაღალი ადამიანები და დახმარებისთვის ჯილდოს არასდროს ითხოვენ, ყოველთვის ელოდებიან მადლიერების სიტყვებს და თუ ეს არ მოისმინეს, შესაძლოა, „შეფობის“ ინტერესიც დაკარგონ.

ამ დღეს დაბადებულებისთვის ძალზე მნიშვნელოვანია იმის გაცნობიერება, რომ ოჯახსა თუ საზოგადოებაში მათ მნიშვნელოვანი ადგილი უკავიათ. მათ პირადი წარმოდგენა აქვთ ცხოვრებაში ბევრ რამეზე; ფხიზლად უყურებენ რეალობას და ესმით, რომ ამ სამყაროში საკუთარი თავის იმედი უნდა ჰქონდეთ. 27 აგვისტოს დაბადებულთაგან ერთი ნაწილი ცხოვრებას უძღვნის გარკვეულ მიზანსა და იდეას, ხოლო მეორე ნაწილი - პრაქტიკული ადამიანები არიან, რომლებიც რეალურ და მატერიალურ წარმატებაზე არიან ორიენტირებული.

27 აგვისტოს დაბადებულები ენთუზიაზმით მონაწილეობენ საზოგადოებრივ ცხოვრებაში. თავს საზოგადოების გარეშე ვერ აღიქვამენ. აქტიური საქმიანობა მათ ეხმარება ავტორიტეტის მოპოვებაში, ეს ასევე ეხმარება ცხოვრების ზოგადი დონის ამაღლებაში. თუმცა, არცთუ ხშირად, ზედმეტი ინიციატივა და ძალაუფლების სურვილი ბევრი მოშურნის გაჩენას უწყობს ხელს. მათ უნდა გააცნობიერონ თავიანთი მჭიდრო კავშირი გარშემომყოფებთან და არ გადაიქცნენ ეგოისტებად.

ჯანმრთელობა

27 აგვისტოს დაბადებულები ხშირად უყურადღებოდ ექცევიან თავიანთ ჯანმრთელობას, ნაკლებად აინტერესებთ, თუ როგორ გამოიყურებიან. ბევრმა მათგანმა არ იცის ზომიერება მუშაობაში. მათი ჯანმრთელობისთვის კი აუცილებელია ჯანსაღი ცხოვრების წესის დაცვა, საკმარისი ძილი, დასვენება, სრულფასოვანი კვება. უნდა შეზღუდონ ალკოჰოლის მიღება, მით უფრო სტრესის დროს.

რჩევა:

მოიშორეთ ამპარტავნული დამოკიდებულება ადამიანების მიმართ და იყავით მეტად მგრძნობიარე და ყურადღებიანი. თქვენი დახმარება სათანადოდ იქნება დაფასებული. ნუ შეიქმნით არარეალურ, ფიქტიურ იდეალებს, რომლებსაც თქვენი მსოფლაღქმისა და საკუთარი ფასეულობების შეზღუდვა შეუძლია.

მთავარი თემები