23:42 20 სექტემბერი 2020
პირდაპირი ეთერი
  • EUR3.8057
  • 100 RUB4.2817
  • USD3.2140
კარგი ამბები
მოკლე ბმულის მიღება
170 0 0

გაეცანით 25 აგვისტოს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 აგვისტო - 2 სექტემბერი

ეს პერიოდი ქალწულის ნიშნის პირველ დეკადას განეკუთვნება.

მათი მფარველი პლანეტაა მზე, რომელიც ქალწულის თანავარსკვლავედთან ერთად ამ პერიოდში დაბადებულებს თავშეკავებულ და წყნარ ხასიათს ანიჭებს; თუმცა, გარკვეულ მომენტებში, შესაძლოა, ძალზე იმპულსური გახდნენ. ამ პერიოდის ადამიანების განმასხვავებელი ნიშანია უზადო წესრიგი, კომფორტი და წონასწორობა.

მნიშვნელოვანი წლებია: 21, 31, 50, 51.

23 აგვისტო - 2 სექტემბრის პერიოდში დაბადებულთა სიმბოლოა დელფინიუმი. ამ ადამიანებს შეუძლიათ სხვებისგან ბრძანებებისა და სხვადასხვა ინსტრუქციების უსიტყვოდ შესრულების მოთხოვნა, მაგრამ თვითონ სხვისი ბრძანებების შესრულება არ უყვართ.  ისინი, სხვებისგან განსხვავებით, ხშირად ხვდებიან არასტანდარტულ სიტუაციებში, მათ ხშირად ადანაშაულებენ სხვადასხვა საქციელსა და შეცდომაში. მათ უნდა ისწავლონ საკუთარი ძალების რწმენა და სიცოცხლის სიყვარული. თავად უნდა გახდნენ მეტად პასუხისმგებლიანი მანამ, სანამ ამას სხვებისგან მოითხოვენ.

25 აგვისტოს დაბადებულები

25 აგვისტოს დაბადებულები დიდების მწვერვალების დაპყრობისკენ ისწრაფვიან, მოქმედებენ მტკიცედ, მიუკერძოებლად, არიან საიმედო მეგობრები და ერთგული მეუღლეები. არ სჩვევიათ ღალატი, მზად არიან ადამიანების დახმარებისთვის. სხვადასხვა ნიჭი და მრავალფეროვანი შესაძლებლობები საშუალებას აძლევთ, კარგი და ქარიზმატული ლიდერი გახდნენ. უყვართ ხელოვნება - მუსიკა, თეატრი, ოპერა, პოეზია, ფერწერა, ლიტერატურა. ინტერესს ამჟღავნებენ მისტიკისა და ოკულტიზმისადმი. ამ დღეს დაბადებულების ფინანსური მდგომარეობა, როგორც წესი, მყარი და სტაბილურია. ოჯახური ცხოვრება, ჩვეულებრივ, წარმატებული აქვთ.

ამ დღეს დაბადებულებს ახასიათებს თავისი თავით აღფრთოვანება და ზედმეტი თვითრეკლამა. უყვართ საკუთარი თავისა და ღირსებების აფიშირება, თუმცა, ხანდახან ჩამოდიან „კვარცხლბეკიდან“ და განმარტოებას ეძლევიან. ამ დროს არავისთან არ უნდათ ურთიერთობა, ძალზე ახლობელ ადამიანებთანაც კი.

25 აგვისტოს დაბადებულებს შეუძლიათ საიდუმლოების შენახვა. ხანდახან მოვლენის განზრახ დრამატიზირება სჩვევიათ, რადგან ფიქრობენ, ეს პრობლემის გადაწყვეტას დააჩქარებს. ცდილობენ, თავიანთი პირადი გრძნობები დამალონ. ამ დღეს დაბადებული ქალები ნამდვილი მტაცებლები არიან, რომლებიც არავითარ შემთხვევაში არ გაუშვებენ ხელიდან თავიანთ „ნანადირევს“. მათი იგნორირება რთულია. წარმატების მიღწევისას ამ დღეს დაბადებულები (ქალებიცა და მამაკაცებიც) იყენებენ ხიბლსა და საკუთარ საუკეთესო თვისებებს.

ამ დღეს დაბადებულები მომხიბლაობითა და სექსუალური გარეგნობით გამოირჩევიან. შესაძლოა, კომპლექსები გაუჩნდეთ თავიანთი წარმომავლობის, ძალზე „უბრალო“ ნათესავების, არასაკმარისი განათლების ან სხვა მიზეზების გამო. ხანდახან უყვართ თავიანთი ცხოვრების ზოგიერთი მომენტის შელამაზება. რეკლამას უკეთებენ საკუთარ თავს, ხაზს უსვამენ ფიზიკურ ზოგად სილამაზეს ან სხეულის ცალკეული ნაწილების მშვენიერებას. ამით ფიქრობენ, რომ სხვა ნაკლოვანებებს დამალავენ. ამ დღეს ხშირად იბადებიან „საბედისწერო“ ქალები და კაცები. მაგრამ ამ ადამიანებმა აუცილებლად უნდა იცოდნენ, რომ მათი მთავარი ძალა ინტელექტში, მსოფლაღქმაში, სულიერებასა და გულწრფელობაშია. ისინი უნდა გათავისუფლდნენ საკუთარი თავის ზედმეტი სიყვარულისგან და ცხოვრებას ფხიზელი თვალით შეხედონ.

ჯანმრთელობა

25 აგვისტოს დაბადებულები უნდა გათავისუფლდნენ მავნე ჩვევებისგან და ცხოვრების ჯანსაღ ცხოვრებას მიჰყონ ხელი. ასევე უნდა მოერიდონ ზედმეტი საკვების მიღებას, რადგან ჭარბწონიანობის პრობლემის გაჩენის ალბათობა დიდია. მათთვის რეკომენდებულია მსუბუქი ფიზიკური დატვირთვები.

რჩევა:

ისწავლეთ საკუთარი თავის დაფასება - ისეთის, როგორიც ხართ. მხოლოდ საკუთარ თავზე ნუ „ჩაიციკლებით“. იყავით დამოუკიდებელი. გააანალიზეთ საკუთარი საქციელი, გაიღრმავეთ ცოდნა.

მთავარი თემები