წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
12–20 მაისი
12-20 მაისის პერიოდი კუროს ნიშნის მესამე დეკადას განეკუთვნება.
ამ დეკადას სატურნი მართავს. ის ამ პერიოდში დაბადებულებზე დიდ გავლენას ახდენს. ეს ადამიანები არ არიან კომუნიკაბელური, ისწრაფვიან მარტოობისკენ და ყველაფრის მუქ ფერებში დანახვა ახასიათებთ.
მნიშვნელოვანი წლებია: 16, 21, 24, 33, 41, 50, 60, 64.
ამ დეკადაში დაბადებულთა სიმბოლოა დანდური.
ამ პერიოდში დაბადებულები ძალზე ფრთხილი, ეჭვიანი და უნდობი ადამიანები არიან. ისინი ყველაფერს წინასწარ კარგად აანალიზებენ და მხოლოდ ამის შემდეგ მოქმედებენ. მათთან ურთიერთობა ადვილი არ არის, მაგრამ თუ მათი ახლობლებიდან ვინმე გასაჭირში ჩავარდება, ეს ადამიანები აუცილებლად დადგებიან მათ გვერდით და ყველანაირად დაეხმარებიან მათ. მართალია, გარეგნულად პირქუში და მარტოხელები არიან, მაგრამ ეს მხოლოდ ნიღაბია, რადგან ისინი ასე იმალებიან და თავს იცავენ. ამ დეკადაში დაბადებულებს ბედნიერსა და წარმატებულს მხოლოდ ადამიანების ნდობა, გულღიაობა, საკუთარი ძალების რწმენა და სიცოცხლით სიხარული გახდის.
19 მაისს დაბადებულები
19 მაისს მტკიცე ნებისყოფის, საკუთარ ძალებში დარწმუნებული ადამიანები იბადებიან. თუ ისინი დეგრადაციის გზას აირჩევენ, გაძლიერდება მათი უარყოფითი თვისებები - ამბიციურობა, დესპოტიზმი, ფუჭი ლაპარაკი. ეს მხოლოდ იმედგაცრუებას მოიტანს. თუ ადამიანი განვითარების გზას აირჩევს, გაძლიერდება დადებითი თვისებები, რასაც მოაქვს წარმატება ნებისმიერ სფეროში.
ეგვიპტური ჰოროსკოპი – დაინახეთ თქვენი თავი განსხვავებულად>>
19 მაისს დაბადებულები ენერგიული ადამიანები არიან, მაგრამ მათ უნდა მართონ და გააკონტროლონ ეს ენერგია. ეს სასიცოცხლოდ მნიშვნელოვანი პირობაა, რადგან მათ უმრავლესობას ლიდერის დიდი პოტენციალი გააჩნია, რომელიც ყოველთვის არაა მოთხოვნადი. მათ ხშირად ატყდებათ თავს როგორც ფიზიკური, ისე ემოციური გამოცდა, მაგრამ თუ ისინი მკაფიოდ ხედავენ მიზანს, ყველა ბარიერს ადვილად გადალახავენ. ამ ადამიანების ენერგია სტიქიურია, ამიტომ მისი მიმართვა გრძელვადიან პროექტებზე სჯობს.
ამ დღეს დაბადებულთაგან ბევრია შემოქმედებითი, ნიჭიერი ადამიანი, მათთვის მნიშვნელოვანია სამუშაოსადმი ინდივიდუალური დამოკიდებულება. თუმცა, ყოველთვის მხოლოდ ლოგიკაზე დაყრდნობა არ ღირს, ხანდახან ინტუიციასაც უნდა დაეკითხონ. მათ ცხოვრებაში ხშირად გადამწყვეტ, საკვანძო როლს ასრულებს რამდენადმე უფროსი, საწინააღმდეგო სქესის ძლიერი პიროვნება. თუ ასეთი ადამიანი მათ ყმაწვილობისას ხვდება, ის ამ ადამიანებისთვის მოძღვარი, მასწავლებელი ხდება, რომელიც სამყაროს აღმოჩენაში ეხმარება. ხშირად მათი მისაბაძი მაგალითი ხდება წიგნის ან ფილმის გმირი.
19 მაისს დაბადებული განათლებული პიროვნებების ბუნებით ბოძებული ნიჭია მჭევრმეტყველება, რაც დასახული მიზნის მიღწევის მძლავრი საშუალებაა. დარწმუნების უნარი და ბუნებრივი მომხიბლაობა ამ ადამიანებს, უკეთეს შემთხვევაში, კაშკაშა ლიდერად აქცევს, უარეს შემთხვევაში კი - თაღლითად. მათ ძალიან სჭირდებათ სულიერი ურთიერთობა, ასევე სფერო, სადაც თავიანთ ორგანიზატორულ უნარებს გამოიყენებენ.
ჯანმრთელობა
19 მაისს დაბადებულებმა უნდა აკონტროლონ თავიანთი ენერგია და არ დაუშვან მისი ნეგატიური გავლენა როგორც საკუთარ ისე სხვების ჯანმრთელობაზე. ყურადღებით უნდა იყვნენ ფიზიკური ვარჯიშის დროს, რადგან ტრავმების მიღების ალბათობა დიდია, თუმცა, ეს არ ნიშნავს, რომ ფიზიკური აქტივობა შეწყვიტონ, რადგან ეს მათი ჯანმრთელობისთვის ძალზე მნიშვნელოვანია. ასევე, ყურადსაღებია კვება - ჯანსაღი დიეტა მათ ორგანიზმს ნამდვილად წაადგება.
რჩევა:
შეეცადეთ, ხანდახან მაინც შეასუსტოთ გარშემომყოფების კონტროლი. იპოვეთ სფერო, რომელშიც მთლიანად გამოხატავთ საკუთარ თავს. ეცადეთ, ზედმეტი არ მოგივიდეთ განრისხებისას და ცხოვრებაში ერთხელ მაინც თქვით უარი საკუთარ ჩვევა-დამოკიდებულებებზე.
