10:57 25 ივლისი 2021
პირდაპირი ეთერი
  • EUR3.6481
  • 100 RUB4.2138
  • USD3.1000
პოლიტიკა
მოკლე ბმულის მიღება
საქართველოს პოლიტიკური ცხოვრება (451)
2710

პრეზიდენტ სალომე ზურაბიშვილის მოწვევით საქართველოს მაია სანდუ ესტუმრა, რომელიც ბათუმში საერთაშორისო კონფერენციაში მიიღებს მონაწილეობას.

თბილისი, 19 ივლისი – Sputnik. მოლდოვის პრეზიდენტის მაია სანდუს თვითმფრინავი ბათუმის საერთაშორისო აეროპორტში დაეშვა.

სახელმწიფო მეთაურს აეროპორტში აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე დახვდა. 

მაია სანდუ მონაწილეობას იღებს მე-17 საერთაშორისო კონფერენციაში „ევროკავშირის მიზიდულობის ძალა და რეგიონის ტრანსფორმაცია“, რომელიც ბათუმში გაიხსნა.

ღონისძიებაზე სიტყვით გამოვლენ საქართველოს პრეზიდენტი სალომე ზურაბიშვილი, პრემიერ-მინისტრი ირაკლი ღარიბაშვილი, უკრაინის პრეზიდენტი ვლადიმირ ზელენსკი, მოლდოვის პრეზიდენტი მაია სანდუ და ევროპული საბჭოს პრეზიდენტი შარლ მიშელი. შარლ მიშელმა კონფერენციის გახსნამდე შეხვედრები გამართა საქართველოს პრეზიდენტთან, პრემიერ-მინისტრთან და ოპოზიციის ლიდერებთან.

კონფერენციის მთავარი თემა სამ ასოცირებულ პარტნიორთან – საქართველოს, მოლდოვასა და უკრაინასთან ევროკავშირის თანამშრომლობის გაღრმავება იყო. აღნიშნული სამი ქვეყანა ახლახან ოფიციალურად აღიარეს როგორც ასოცირებული ტრიო.

კოვიდ-პანდემიის გამო 2020 წელს ბათუმის საერთაშორისო კონფერენცია არ გამართულა. წელს კი იგი ჰიბრიდულ ფორმატში ტარდება – სპიკერების ნაწილი შეხვედრაში ონლაინ ჩაერთვება.

 

თემები:
საქართველოს პოლიტიკური ცხოვრება (451)

მთავარი თემები