22:14 12 ივნისი 2021
პირდაპირი ეთერი
  • EUR3.8523
  • 100 RUB4.4253
  • USD3.1701
პოლიტიკა
მოკლე ბმულის მიღება
59 0 0

საქართველოს ყოფილი პრემიერ-მინისტრის გუნდის ძირითადი ნაწილი სხვადასხვა სამინისტროში ნამუშევარი ჩინოვნიკები არიან.

თბილისი, 29 მაისი – Sputnik. საქართველოს ყოფილი პრემიერ-მინისტრის გიორგი გახარიას პარტიის პოლიტსაბჭოში შევიდნენ როგორც მისი გუნდის ყოფილი წევრები, ისე ახალი სახეები.

საქართველოს ექს-პრემიერმა გიორგი გახარიამ შაბათს წარადგინა თავისი პარტია „საქართველოსთვის“ და მისი მუშაობის ძირითად მიმართულებებზე ისაუბრა.

გუნდის ძირითად ნაწილს სხვადასხვა სამინისტროში ნამუშევარი ჩინოვნიკები წარმოადგენენ.

გახარიას გუნდის პოლიტსაბჭოს წევრები არიან გიორგი ხოჯევანიშვილი, ნათია მეზვრიშვილი, Georgia Today-ს დამფუძნებელი გიორგი შარაშიძე, კახაბერ ქემოკლიძე, ანა ბუჩუკური, მიხეილ დაუშვილი, ბექა ლილუაშვილი, რუსუდან თევზაძე, ალექსანდრე მოწერელია, ბერდია სიჭინავა, შალვა კერესელიძე, კოტე ანანიაშვილი, გიგა ფარულავა, ექსპერტი გიორგი გოგუაძე.

გარდა ამისა, გახარიამ წარადგინა პარტიის სხვა წევრები: საქართველოს ყოფილი ელჩი ნატოში ლევან დოლიძე, პრეზიდენტის ადმინისტრაციის ყოფილი უფროსი გიორგი აბაშიშვილი, ეკატერინე ვეფხვაძე, დავით ფარცვანია, ლაშა მარკოზაშვილი, ტატა ხვედელიანი, გიორგი კიკნაველიძე და საბა ჯიქიძე.

„ჩვენი პარტიის კარი ღიაა თითოეული თქვენგანისთვის, ღიაა ყველა იმ ადამიანისთვის, რომელსაც შესწევს ძალა ყოველდღიური ქმედებით იშრომოს და ემსახუროს სახელმწიფოს. „საქართველოსთვის“ გუნდი ხართ თქვენ, საქართველოს თითოეული მოქალაქე. მე მინდა გითხრათ, რომ ჩვენთან ერთად შრომა და ჩვენ გვერდით დგომა იქნება წარმატების საწინდარი და იქნება უდიდესი ღირსება ჩვენთვის“, - განაცხადა გახარიამ.

პრეზენტაციის პარალელურად საგამოფენო ცენტრთან ახალგაზრდული ორგანიზაცია „შეცვალეს“ საპროტესტო აქცია იმართებოდა. „შეცვალეს“ წარმომადგენლები ყოფილ პრემიერს ადანაშაულებენ პოლიციის მიერ ძალის გადამეტებაში 2019 წლის 21 ივნისის ღამეს მიტინგის დაშლისას, რა დროსაც 240 ადამიანი დაშავდა.

აქციის მონაწილეებმა იმ სცადეს შეჭრა იმ ტერიტორიაზე, სადაც პრეზენტაცია იმართებოდა, მაგრამ კომპლექსის დაცვამ მათ ხელი შეუშალა.

მთავარი თემები