07:41 24 ივლისი 2021
პირდაპირი ეთერი
  • EUR3.6481
  • 100 RUB4.2138
  • USD3.1000
პოლიტიკა
მოკლე ბმულის მიღება
102 0 0

პარლამენტის რეგლამენტის თანახმად, ახალი თავმჯდომარე წინამორბედის გადადგომიდან 10 დღეში უნდა აირჩიონ

თბილისი, 24 აპრილი - Sputnik. საქართველოს პარლამენტის თავმჯდომარის პოსტზე წარდგენილი კახა კუჭავას ასარჩევად მმართველ პარტიას დეპუტატების საკმარისი ხმები ექნება.

„ქართულმა ოცნებამ“ კუჭავა პარლამენტის თავმჯდომარის პოსტზე არჩილ თალაკვაძის გადადგომის შემდეგ წარადგინა. თავად თალაკვაძე საკანონმდებლო ორგანოს ვიცე-სპიკერის პოსტს დაიკავებს.

პარლამენტის რეგლამენტის თანახმად, ახალი თავმჯდომარე წინამორბედის გადადგომიდან 10 დღეში უნდა აირჩიონ.

საკანონმდებლო ორგანოს თავმჯდომარის ასარჩევად საჭიროა სულ მცირე პარლამენტის სიითი შემადგენლობის ნახევარზე მეტი - 76 ხმა. დღეისათვის მმართველ პარტიას პარლამენტში 84 დეპუტატი ჰყავს.

მოქმედი კანონმდებლობით, პარლამენტის სპიკერის წარდგენა შეუძლია უმრავლესობას, უმცირესობას და ფრაქციებს. თითოეული კანდიდატის 20-წუთიანი გამოსვლის შემდეგ კენჭისყრა გაიმართება.

კუჭავა პარლამენტის დეპუტატი 2016 წელს გახდა და 2020 წლის არჩევნების შემდეგ ის კვლავ აირჩიეს. მანამდე ის იყო გეოლოგიური კომპანია Georgian Copperand Gold-ის გენერალური დირექტორი, „კავკასიის მინერალური წყლების“ გენერალური დირექტორი.

მანამდე ის იკავებდა პოსტებს საერთაშორისო სავაჭრო პალატაში, საერთაშორისო საფინანსო კორპორაციაში, იყო „წითელი ჯვრის“ კონსულტანტი და იურისტი ფირმაში „მგალობლიშვილი, ყიფიანი, ძიძიგური“.

მთავარი თემები