პირობა დადებულია: რა შემთხვევაში წავა პოლიტიკიდან კობახიძე

© photo: Parliament of Georgia / FBირაკლი კობახიძე
ირაკლი კობახიძე - Sputnik საქართველო
გამოწერა
ირაკლი კობახიძე იმ შემთხვევაში წავა პოლიტიკიდან, თუ მმართველი პარტიის მაჟორიტარობის სამი კანდიდატიდან თუნდაც ერთი „ნაცმოძრაობიდან“ კონკურენტთან დამაცხდება.

თბილისი, 29 ოქტომბერი — Sputnik. თუ მმართველი პარტია „ქართული ოცნების“ სამი მაჟორიტარობის კანდიდატიდან – ლევან კობიაშვილი, სოზარ სუბარი, ირაკლი ქადაგიშვილი – თუნდაც ერთი დამარცხდება ოპონენტთან „ერთიანი ნაციონალური მოძრაობიდან“, პარტიის აღმასრულებელი მდივანი და წინასაარჩევნო კამპანიის ხელმძღვანელი ირაკლი კობახიძე პოლიტიკიდან წავლის პირობას დებს.

Facebook-გვერდი კომპიუტერის ეკრანზე - Sputnik საქართველო
სოციალური ქსელი და არჩევნები საქართველოში: რეკლამა, ფეიკები, კომპრომატი

როგორც კობახიძემ ჟურნალისტებს განუცხადა, ის დარწმუნებულია, რომ იმ გამოკითხვების შედეგები, რომელთა თანახმადაც ზოგიერთ მაჟორიტარულ ოლქში ოპოზიციის კანდიდატები იგებენ, სინამდვილეს არ შეესაბამება.

„გუშინ დაიდო მონაცემები IPSOS-ის, რომლის მიხედვითაც ნიკა მელია, ლევან ხაბეიშვილი და გიორგი ბოტკოველი არჩევნებს იგებენ პირველ ტურში. მარტივად მინდა გითხრათ ერთი რამ: თუ ჩვენი სამი კანდიდატიდან – კობიაშვილი გლდანში, სოზარ სუბარი სამგორში და ქადაგიშვილი თელავის, ახმეტის, ყვარლის, ლაგოდეხის ოლქში – თუ რომელიმე ერთი მათგანი მაინც ვერ მოიგებს არჩევნებს, მე პოლიტიკიდან წავალ. ხოლო თუ სამივე მოიგებს, შევთანხმდეთ, რომ ნიკა გვარამია ქართული მედიიდან და პოლიტიკიდან წავიდეს“, – აღნიშნა კობახიძემ.

წინასაარჩევნო ბანერები - Sputnik საქართველო
ქართული პარტიების რეიტინგები არჩევნების წინ

საპარლამენტო არჩევნები საქართველოში 31 ოქტომბერს ჩატარდება. მასში მონაწილეობას მიიღებს 48 პარტია და ორი ბლოკი. ქვეყნის მოსახლეობამ 150 დეპუტატი უნდა აირჩიოს — 120 პროპორციული და 30 მაჟორიტარული სისტემით. საარჩევნო ხმის უფლება აქვს საქართველოს ყველა მოქალაქეს, რომელსაც არჩევნების დღემდე შეუსრულდა ან იმ დღეს უსრულდება 18 წელი და რომელიც აკმაყოფილებს საარჩევნო კოდექსით დადგენილ პირობებს.

ყველა ახალი ამბავი
0