23:49 20 ოქტომბერი 2020
პირდაპირი ეთერი
  • EUR3.7763
  • 100 RUB4.1332
  • USD3.2117
პოლიტიკა
მოკლე ბმულის მიღება
COVID-19 საქართველოში (2130)
250 0 0

გიორგი გახარიას თქმით, ქვეყანაში შექმნილი ეპიდემიოლოგიური ვითარებიდან გამოსავალი წერტილოვანი შეზღუდვების დაწესებაა.

თბილისი, 15 ოქტომბერი — Sputnik. თბილისსა და იმერეთის რეგიონში რესტორნები და გასართობი ცენტრები ღამის საათებში მომხმარებელს ვერ მიიღებენ, განაცხადა საქართველოს პრემიერ-მინისტრმა გიორგი გახარიამ მთავრობის სხდომის შემდეგ გამართულ ბრიფინგზე.

სექტემბრის დასაწყისიდან ქვეყანაში ეპიდვითარება მკვეთრად გაუარესდა. ბოლო დღე-ღამეში კორონავირუსის 919 ახალი შემთხვევა გამოვლინდა. მანამდე ქვეყანაში ეს მაჩვენებელი 500–600 იყო. გახარიას განცხადებით, სავარაუდოდ, უახლოეს დღეებში ინფიცირების მაჩვენებელი 1000-იან ნიშნულს გადასცდება.

„მივიღეთ გადაწყვეტილება, რომ თბილისსა და იმერეთში ხვალიდან, 16 ოქტომბრიდან რესტორნებისა და ყველა გასართობი დაწესებულების მუშაობა 22:00 საათიდან შეიზღუდება. ეს არის გადაწყვეტილება, რომელიც ვირუსის გავრცელების ტემპს შეანელებს", – განაცხადა პრემიერმა.

როგორც მთავრობის მეთაურმა აღნიშნა, მთავარია ქვეყნის თითოეულმა მოქალაქემ პასუხისმგებლობა გამოიჩინოს და დაიცვას დაწესებული რეგულაციები – ატაროს პირბადე და დაიცვას სოციალური დისტანცია.

თემები:
COVID-19 საქართველოში (2130)

მთავარი თემები