საქართველოს პარლამენტის საშემოდგომო სესია დღეს გაიხსნება

© Sputnik / Vladimir Umikashviliპარლამენტის შენობა
პარლამენტის შენობა - Sputnik საქართველო
გამოწერა
31 ოქტომბრამდე კანონმდებლებს დაძაბული მუშაობა მოუწევთ – 1 ოქტომბერს მთავრობამ პარლამენტს 2021 წლის ბიუჯეტის პროექტი უნდა წარმოუდგინოს, რომელიც, წესით, საკანონმდებლო ორგანომ დეკემბრის მესამე პარასკევამდე უნდა დაამტკიცოს.

თბილისი, 1 სექტემბერი — Sputnik. პარლამენტის საშემოდგომო სესიის პირველი სხდომის დღის წესრიგი ბიუროს სხდომაზე დამტკიცდება, რომელიც პლენარული სესიის სხდომამდე გაიმართება.

იმის გათვალისწინებით, რომ 31 ოქტომბერს საპარლამენტო არჩევნებია დაგეგმილი, მეცხრე მოწვევის პარლამენტის საშემოდგომო სესია მოკლევადიანი იქნება. პლენარული სხდომების გამართვა მხოლოდ სექტემბრის პირველი ორი კვირის განმავლობაში იგეგმება.

არჩევნები - Sputnik საქართველო
საქართველოში საპარლამენტო არჩევნების გამართვის თარიღი გამოცხადდა

საპარლამენტო კომიტეტები კი მუშაობას ჩვეულ რეჟიმში გააგრძელებენ, რამდენადაც 1 ოქტომბერს მთავრობამ პარლამენტს 2021 წლის ბიუჯეტის პროექტი უნდა წარმოუდგინოს, რომელიც, წესით, საკანონმდებლო ორგანომ დეკემბრის მესამე პარასკევამდე უნდა დაამტკიცოს.

ამჯერად საპარლამენტო არჩევნები ახალი სისტემით გაიმართება. პარლამენტის 150 დეპუტატს შერეული სისტემით აირჩევენ: 120-ს პარტიული სიით, 30-ს კი ერთმანდატიან მაჟორიტარულ ოლქებში გამართული კენჭისყრის შედეგებით. დღეისთვის ცესკოში რეგისტრაცია უკვე გაიარა 59-მა არასაპარლამენტო პარტიამ.

ყველა ახალი ამბავი
0