იზრდება იმ კლინიკების რაოდენობა, რომლებიც კორონავირუსით ინფიცირებულთა მისაღებად მზად არიან

© photo: Sputnik / Stringerრესპუბლიკური საავადმყოფო
რესპუბლიკური საავადმყოფო - Sputnik საქართველო
გამოწერა
3 აპრილის მონაცემებით, საქართველოში COVID-19-ით ინფიცირებულთა რაოდენობამ 148-ს მიაღწია, გამოჯანმრთელდა 27 ადამიანი.

თბილისი, 3 აპრილი – Sputnik. კლინიკების რაოდენობა, რომლებიც კორონავირუსით ინფიცირებულთა მისაღებად მზად არიან, იზრდება, განაცხადა საქართველოს ჯანდაცვის მინისტრმა ეკატერინე ტიკარაძემ უწყებათშორისი საკოორდინაციო საბჭოს სხდომის დასრულების შემდეგ.

როგორც ტიკარაძემ აღნიშნა, საქართველოს მასშტაბით ამ ეტაპზე 20 კლინიკაა სრულად მობილიზებული, რომ მიიღოს კორონავირუსით დადასტურებული და ასევე ცხელების ნიშნების მქონე პაციენტები. ამას გარდა მიმდინარეობს სხვა კლინიკების მონიტორინგი და მათი აღჭურვა.

საავადმყოფოს დერეფანი - Sputnik საქართველო
სრული მზადყოფნა: პრემიერმა ჯანდაცვის სამინისტროს ახალი დავალებები მისცა

„ორშაბათიდან ჩაერთვება კიდევ დამატებით ცხრა კლინიკა და, პაციენტების ზრდასთან ერთად, შესაძლებლობა არის, ჩაერთოს დამატებით კიდევ ექვსი კლინიკა, რომელიც იქნება სრულად მობილიზებული Covid-19-თან ბრძოლაში. ასევე მნიშვნელოვანია, რომ რეგულირების სააგენტოს ყველა თანამშრომელი ახორციელებს მუდმივ მონიტორინგს ამ ჰოსპიტლებზე, რის შედეგადაც გვაქვს მუდმივი უკუკავშირი და ყველა იმ საჭიროებისა და პრობლემატიკის აღრიცხვა ხდება, რომელიც ფიქსირდება საავადმყოფოებში“, – განაცხადა ტიკარაძემ.

მინისტრის თქმით, რეგიონებში ეტაპობრივად 31 საავადმყოფო ჩაერთვება, რომლებიც მიიღებენ კორონავირუსით ინფიცირებულ და ასევე ცხელების პაციენტებს.

სოციალური დისტანცირება - Sputnik საქართველო
როგორ იწყებოდა პანდემია, ანუ კაცობრიობის უშეღავათო ბრძოლა „უხილავ მტერთან“

„მოხდება მათ ტრიაჟი ადგილზე და, შესაბამისად, გადამისამართებული იქნებიან ან სახლში, თვითიზოლაციაში, საკარანტინო ზონაში, ოჯახის ექიმის მართვის კუთხით, ხოლო რთულ შემთხვევებში გადაყვანილი იქნებიან საავადმყოფოებში, სადაც ექიმები მათ მკურნალობას დაიწყებენ“, – განაცხადა ეკატერინე ტიკარაძემ.

3 აპრილის მონაცემებით, საქართველოში COVID-19-ით ინფიცირებულთა რაოდენობამ 148-ს მიაღწია, გამოჯანმრთელდა 27, კარანტინში იმყოფება 5392 ადამიანი, სტაციონარებში მეთვალყურეობის ქვეშ 319 პაციენტია.

ჯანდაცვის სამინისტრო სისხლის დონორთა მობილიზაციას აცხადებს>>

საგანგებო მდგომარეობა კორონავირუსის პანდემიასთან დაკავშირებით საქართველოში 21 მარტს გამოცხადდა და ის 21 აპრილამდე გაგრძელდება. 31 მარტიდან ქვეყნის მთელ ტერიტორიაზე კარანტინის რეჟიმიც მოქმედებს. შემოღებულია ასევე კომენდანტის საათი 21:00 საათიდან დილის 06:00 საათამდე.

ყველა ახალი ამბავი
0