08:44 05 ივლისი 2020
პირდაპირი ეთერი
  • EUR3.4221
  • 100 RUB4.2811
  • USD3.0465
პოლიტიკა
მოკლე ბმულის მიღება
10201

ოპოზიციის აქტივისტები ევროკავშირისგან ივანიშვილის ქონების დაყადაღებას და შავ სიაში შეტანას მოითხოვენ

თბილისი, 12 იანვარი - Sputnik. ახალგაზრდული მოძრაობა „შეცვალეს“ წევრებმა კვირას მმართველი პარტიის ლიდერის, ბიძინა ივანიშვილის ბიზნეს-ცენტრთან მის მიმართ სანქციების შემოღების მოთხოვნით აქცია გამართეს.

აქციაზე შეიკრიბა ათი ადამიანი, მათ ერთსაათიანი ჩუმი პროტესტი მოაწყვეს.

„გვინდა, საერთაშორისო საზოგადოებას გავაგებინოთ ქართული საზოგადოების, ახალგაზრდების და აქტივისტების მოთხოვნა, რომ თუ გვსურს, ქვეყანაში იყოს მშვიდობიანი გარემო, მშვიდობიანი პოლიტიკური პროცესი, მნიშვნელოვანია, ამ ოლიგარქის ქონება დროულად იქნეს დაყადაღებული“, - განაცხადა მოძრაობა „შეცვალეს“ წარმომადგენელმა  ნიკა ნოზაძემ.

მისი თქმით, ივანიშვილი შავ სიაში შეყვანის ერთ-ერთი კანდიდატია და მისი ქონების დაყადაღება ივანიშვილის „გაჩერების“ ერთადერთი გზაა.

მიმდინარე წლის შემოდგომაზე საქართველოში საპარლამენტო არჩევნები გაიმართება. მმართველი პარტია „ქართული ოცნება - დემოკრატიული საქართველოს“ ლიდერს ოპოზიცია ხშირად ამომრჩევლების მოსყიდვაში ადანაშაულებს. თავად ივანიშვილი არ მალავს, რომ თავის პარტიას ფინანსურად ეხმარება.

მთავარი თემები