08:55 13 დეკემბერი 2019
პირდაპირი ეთერი
  • EUR3.1900
  • 100 RUB4.5362
  • USD2.8661
ვახტანგ გომელაური

ვახტანგ გომელაური აქციების თბილი წყლით დაშლის პირობას დებს

© Sputnik / Alexander Imedashvili
პოლიტიკა
მოკლე ბმულის მიღება
ახალი საპროტესტო ტალღა თბილისში: 2019 წლის ნოემბერი (164)
228 0 0

შინაგან საქმეთა მინისტრის მტკიცებით, უწყება მაქსიმალურად ცდილობს, რომ აქციის დაშლისას არავინ დაშავდეს

თბილისი, 3 დეკემბერი  — Sputnik.  საქართველოს შინაგან საქმეთა მინისტრმა ვახტანგ გომელაურმა პირობა დადო, რომ შემდგომ ჯერზე აქციის დაშლისას თბილ წყალს გამოიყენებენ.

გომელაურის სიტყვებით, უწყების თანამშრომლები მაქსიმალურად ცდილობენ, რომ აქციებზე არავინ დაშავდეს, თუმცა, ოპოზიცია პოლიციას ძალის გამოყენებას აიძულებს. 

 „ხშირად ხდება, უმოქმედობაში ვართ, თუ გამოვალთ, ხელკეტსაც არ ვხმარობთ, რეზინის ტყვიებს, არც გაზს და ელემენტარულად ორჯერ წყალს მივასხმათ, ამაზეც გვლანძღავენ, როგორ შეიძლება სიცივეში წყლის გამოყენება. ახლა ვცდილობთ, რომ გავათბოთ წყალი და თბილი წყალი გამოვიყენოთ. ვმოქმედებთ, არ მოსწონთ, არ ვმოქმედებთ, არ მოსწონთ, რთულია. ჩვენ მაქსიმალურად ვცდილობთ, რომ ადამიანი არ დაზიანდეს, არ მოხდეს შეხლა-შემოხლა და განვარიდოთ ერთმანეთს“, – განაცხადა ვახტანგ გომელაურმა.

თბილისში საპროტესტო აქციები 14 ნოემბრიდან არ წყდება. ამ დღეს პარლამენტში ხელისუფლების მიერ დაპირებული საარჩევნო რეფორმა ჩავარდა. რიგი მაჟორიტარი დეპუტატების გამო კონსტიტუციური ცვლილებების კანონპროექტის მიღება და არჩევნების პროპორციულ სისტემაზე გადასვლა  ვერ მოხერხდა.

ოპოზიცისს განცხადებით, პროტესტის ტალღა იმ დრომდე არ შეწყდება, სანამ ხელისუფლება არ დანიშნავს  პროპორციული სისტემით ვადამდელ არჩევნებს. ხელისუფლებაში კი განმარტავენ, რომ საარჩევნო კანონმდებლობის გადახედვა აღარ მოხდება და 2020 წლის საპარლამენტო არჩევნები შერეული სისტემით ჩატარდება.

სწორედ საპროტესტო აქციების დაშლის მიზნით შსს–მ თბილისში ორჯერ გამოიყვანა სპეცდანიშნულების რაზმი და  წყლის ჭავლი.

თემები:
ახალი საპროტესტო ტალღა თბილისში: 2019 წლის ნოემბერი (164)

მთავარი თემები