16:19 11 აგვისტო 2020
პირდაპირი ეთერი
  • EUR3.6138
  • 100 RUB4.1709
  • USD3.0743
პოლიტიკა
მოკლე ბმულის მიღება
ახალი საპროტესტო ტალღა თბილისში: 2019 წლის ნოემბერი (171)
11102

თბილისში საპროტესტო აქციების ერთ-ერთი აქტიური მონაწილე, დედაქალაქის ყოფილი მერი გიგი უგულავა ცოტა ხნის წინ პოლიციამ ავტომობილში ჩაისვა და წაიყვანა.

თბილისი, 29 ნოემბერი — Sputnik. დედაქალაქის ყოფილმა მერმა გიგი უგულავამ, რომელიც ცოტა ხნის წინ პოლიციამ აქციაზე ავტომობილში ჩაისვა და წაიყვანა, განაცხადა, რომ უკან, აქციაზე ბრუნდება.

„დამიჭირეს, განგარიდეთო, გამომიშვეს, მოვდივარ ტაქსით", – დაწერა გიგი უგულავამ რამდენიმე წუთის წინ თავის ფეისბუქ-გვერდზე და ფოტოც გამოაქვეყნა.

პარტიის „ევროპული საქართველო - მოძრაობა თავისუფლებისთვის" ერთ-ერთი ლიდერი, თბილისის ყოფილი მერი გიგი უგულავა, რომელიც ეროვნულ ბიბლიოთეკასთან აქციაში მონაწილეობდა, პოლიციის ავტომობილში ჩასვეს და ტერიტორიიდან გაიყვანეს.

უგულავას გარდა პოლიციამ აქციიდან გაიყვანა ასევე პარლამენტის დეპუტატები „ევროპული საქართველოდან" გიორგი კანდელაკი და ირაკლი აბესაძე, მათთან ერთად ასევე რამდენიმე აქტივისტი.

შსს-ს ამ ფაქტებთან დაკავშირებით ჯერჯერობით კომენტარი არ გაუკეთებია.

თბილისში დილიდან რამდენიმე ათეულმა ადამიანმა პარლამენტის შენობასთან მოიყარა თავი. მოგვიანებით დემონსტრანტები ოპოზიციონერი პოლიტიკოსების ლიდერობით ეროვნული ბიბლიოთეკის შენობისკენ გაემართნენ, სადაც ამჟამად მიტინგი მიმდინარეობს.

თემები:
ახალი საპროტესტო ტალღა თბილისში: 2019 წლის ნოემბერი (171)

მთავარი თემები