17:12 11 აგვისტო 2020
პირდაპირი ეთერი
  • EUR3.6138
  • 100 RUB4.1709
  • USD3.0743
პოლიტიკა
მოკლე ბმულის მიღება
ახალი საპროტესტო ტალღა თბილისში: 2019 წლის ნოემბერი (171)
10520

ამ დროისთვის პარლამენტის მიმდებარე ტერიტორია კარვების, ქვიშის ტომრებისა და ცეცხლის დასანთებად საჭირო კასრებისგან გაწმენდილია, ამასთან გახსნილია რუსთაველის გამზირის სავალი ნაწილი.

თბილისი, 18 ნოემბერი — Sputnik. ბუნებრივია, რომ „ნაციონალური მოძრაობა" გადაიხდის გარკვეულ პოლიტიკურ ფასს იმის გამო, რაც დღეს ჩაიდინეს, როდესაც ისინი ფიზიკურად დაუპირისპირდნენ სპეცრაზმელებს, განაცხადა პრემიერ-მინისტრის მრჩეველმა რეგიონულ საკითხებში სოზარ სუბარმა ტელეკომპანია Rustavi 2-ის ეთერში.

დღეს შსს-ს სპეცდანიშნულების რაზმებმა წყლის ჭავლის გამოყენებით პარლამენტის შენობის წინ გამართული აქცია დაშალეს. შსს-ს ოფიციალური ინფორმაციით, აქციის დროს ადმინისტრაციულ სამართალდარღვევათა კოდექსით გათვალისწინებული სამართალდარღვევისთვის 18 პირია დაკავებული.

„როდესაც ხდება პარლამენტის ბლოკირება, ბოქლომების დადება და პარლამენტის წვერებზე თავდასხმა, ასეთ დროს სახელმწიფო მოვალეა თავისი უფლებამოსილება განახორციელოს და აღკვეთოს უკანონობა... სპეცრაზმი მოქმედებდა აბსოლუტურად კანონის ფარგლებში, თუმცა მოხდა მათზე თავდასხმა "ნაციონალური მოძრაობის" ლიდერების მხრიდან. ბუნებრივია, რომ ამის გამო "ნაციონალური მოძრაობა" გადაიხდის გარკვეულ პოლიტიკურ ფასს“, – განაცხადა სოზარ სუბარმა.

ამ დროისთვის პარლამენტის მიმდებარე ტერიტორია კარვების, ქვიშის ტომრებისა და ცეცხლის დასანთებად საჭირო კასრებისგან გაწმენდილია, ამასთან გახსნილია რუსთაველის გამზირის სავალი ნაწილი.

პარლამენტის შენობასთან კვლავ რჩებიან ოპოზიციის ლიდერები და მათი მომხრეები.

 

თემები:
ახალი საპროტესტო ტალღა თბილისში: 2019 წლის ნოემბერი (171)

მთავარი თემები