თბილისი, 17 ნოემბერი — Sputnik. ბელარუსში ეროვნული სათათბიროს პალატის წარმომადგენელთა არჩევნები ტარდება, იუწყება „Sputnik ბელარუსი“.
წარმომადგენელთა პალატა ბელარუსის პარლამენტის ქვედა პალატაა, რომელიც 110 დეპუტატისგან შედგება, რომლებიც შესაბამისი რაოდენობის საარჩევნო ოლქებს წარმოადგენენ.
წარმომადგენელთა პალატის დეპუტატების არჩევნები ბელარუსში სამშაბათიდან ტარება: ბოლო დღეების განმავლობაში რესპუბლიკაში ვადამდელი კენჭისყრა გაიმართა. სამი დღის მონაცემებით საკუთარი არჩევანი ამომრჩეველთა 19,43%–მა გააკეთა.
არჩევნების მთავარი დღე 17 ნოემბერია.
დღეს საარჩევნო უბნები დილის რვა საათიდან საღამოს რვა საათამდე იქნება გახსნილი. საპარლამენტო არჩევნების პირველადი შედეგები ორშაბათს იქნება ცნობილი.
