პროტესტის ფონზე: „ქართული ოცნება“ სხდომას გამართავს

© Sputnik / Alexander Imedashvili„ქართული ოცნების“ ოფისი
„ქართული ოცნების“ ოფისი - Sputnik საქართველო
გამოწერა
საპარლამენტო უმრავლესობის წარმომადგენლები პროპორციულ საარჩევნო სისტემასთან დაკავშირებული ინიციატივის პარლამენტში ჩავარდნის შემდგომ განვითარებულ მოვლენებზე იმსჯელებენ.

თბილისი, 16 ნოემბერი — Sputnik. მმართველი პარტია „ქართული ოცნების“ ცენტრალურ ოფისში დღეს, შაბათს, 11:00 საათისთვის საპარლამენტო უმრავლესობის სხდომაა დაგეგმილი, იუწყება საქართველოს საზოგადოებრივი მაუწყებლის პირველი არხი.   

სალომე ზურაბიშვილი - Sputnik საქართველო
საქართველოს პრეზიდენტმა მხარეებს დიალოგისთვის ყველა რესურსის გამოყენებისკენ მოუწოდა

გავრცელებული ინფორმაციით, საპარლამენტო უმრავლესობის წარმომადგენლები პროპორციულ საარჩევნო სისტემასთან დაკავშირებული ინიციატივის პარლამენტში ჩავარდნის შემდგომ განვითარებულ მოვლენებზე იმსჯელებენ.

საქართველოს პარლამენტმა ხუთშაბათს ჩააგდო საარჩევნო რეფორმა, რომელიც 2020 წლის საპარლამენტო არჩევნების პროპორციული სისტემით ჩატარებას ითვალისწინებდა. ოპოზიციამ და სამოქალაქო აქტივისტებმა ხელისუფლება ხალხის მოტყუებაში დაადანაშაულეს. ოპოზიციის სხვადასხვა ფრთა, მრავალწლიანი ქიშპობის მიუხედავად, გაერთიანდა პრინციპით - „ყველა ერთის წინააღმდეგ“ და მასშტაბური საპროტესტო აქციები დააანონსა პროპორციული სისტემით, დროებითი მთავრობის პირობებში, ვადამდელი საპარლამენტო აქციების გამართვის მოთხოვნით.

ყველა ახალი ამბავი
0