15:57 27 იანვარი 2020
პირდაპირი ეთერი
  • EUR3.1870
  • 100 RUB4.6730
  • USD2.8870
პოლიტიკა
მოკლე ბმულის მიღება
საქართველოს პარლამენტი (104)
6801

საკანონმდებლო ორგანოში საპარლამენტო მოსმენები მესამე დღეა ახალგაზრდული მოძრაობა „სირცხვილიას" მიერ გამართული საპროტესტო აქციის ფონზე იმართება.

თბილისი, 14 ნოემბერი — Sputnik. საქართველოს პარლამენტმა კონსტიტუციაში შესწორებებს, რომელიც ითვალისწინებს უკვე 2020 წელს საპარლამენტო არჩევნების პროპორციული სისტემით ჩატარებას ნულოვანი საარჩევნო ბარიერით, მხარი არ დაუჭირა.

„გთხოვთ ყველამ გააცნობიეროს საკუთარი პასუხისმგებლობა", – განაცხადა საქართველოს პარლამენტის თავმჯდომარემ არჩილ თალაკვაძემ კენჭისყრამდე და ყველას კანონპროექტის მხარდაჭერისკენ მოუწოდა.

კონსტიტუციაში შესწორებებს მხოლოდ 101-მა დეპუტატმა დაუჭირა მხარი, საკონსტიტუციო ცვლილების მიღებისთვის კი 113 ხმაა საჭირო.

მმართველი პარტია „ქართული ოცნება - დემოკრატიული საქართველო" შერეული სისტემიდან პროპორციულ სისტემაზე გადასვლას ჯერ კიდევ ზაფხულში დათანხმდა თბილისში მიმდინარე საპროტესტო აქციების ზეწოლით. საარჩევნო რეფორმის ინიციატივას მაშინ მხარი მმართველი პარტიიდან 93-მა დეპუტატმა დაუჭირა. სამშაბათს კი გაირკვა, რომ დაახლოებით 30 მაჟორიტარი არის წინააღმდეგი.

საკანონმდებლო ორგანოში საპარლამენტო მოსმენები მესამე დღეა ახალგაზრდული მოძრაობა „სირცხვილიას" მიერ გამართული საპროტესტო აქციის ფონზე იმართება.

Молодежная акция протеста с требованием принять законо об изменении избирательной системы
© Sputnik / Vladimir Umikashvili.
საპროტესტო აქცია პარლამენტთან
თემები:
საქართველოს პარლამენტი (104)

მთავარი თემები