თბილისი, 13 ნოემბერი — Sputnik. საქართველოს განათლების, მეცნიერების, კულტურისა და სპორტის მინისტრად მიხეილ ჩხენკელი დაინიშნა, იუწყება სამინისტროს პრეს-სამსახური.
ბრძანებას ხელი საქართველოს პრემიერ-მინისტრმა გიორგი გახარიამ ოთხშაბათს მოაწერა ხელი.
ჩხენკელის წინამორბედმა, მიხეილ ბატიაშვილმა თანამდებობა ერთი კვირის წინ საკუთარი სურვილით დატოვა.
მიხეილ ჩხენკელი ბოლო დრომდე განათლების საკითხებში საქართველოს მთავრობის მეთაურის მრჩეველი იყო.
2017-2018 წლებში მიხეილ ჩხენკელი განათლებისა და მეცნიერების მინისტრი იყო, მანამდე კი ივანე ჯავახიშვილის სახელობის თბილისის სახელმწიფო უნივერსიტეტის პრორექტორი.
მიხეილ ჩხენკელს აქვს დოქტორის სამეცნიერო ხარისხი და არის აშშ-ის უნივერსიტეტების პროფესორთა ასოციაციის წევრი.