08:14 23 ოქტომბერი 2019
პირდაპირი ეთერი
  • EUR3.3106
  • 100 RUB4.6653
  • USD2.9710
ლგბტ-პრაიდის მონაწილეები თბილისში

თბილისში ერთდროულად რამდენიმე საპროტესტო აქცია მიმდინარეობს

© Sputnik / Shota Nozadze
პოლიტიკა
მოკლე ბმულის მიღება
ცხელი პოლიტიკური ზაფხული: ახალი საპროტესტო ტალღა თბილისში (369)
133 0 0

ამ წუთებში თბილისი ერთბაშად ოთხი აქციის ჩატარების მოედნად იქცა

თბილისი, 8 ივლისი - Sputnik. ორშაბათს, საღამოს, თბილისის სხვადასხვა უბანში სხვადასხვა მოთხოვნით ერთდროულად რამდენიმე საპროტესტო აქცია დაიწყო.

ქალაქის ცენტრში, რუსთაველის გამზირზე, პარლამენტის შენობის წინ ლგბტ თემის მოწინააღმდეგეები, ზნეობის მცველები შეიკრიბნენ. ისინი დაგეგმილ ე.წ. ლგბტ აღლუმს აპროტესტებენ.

რამდენიმე ასეული მეტრის მოშორებით, თავისუფლების მოედანზე, აქციის მონაწილეები საქართველოს შს მინისტრ გიორგი გახარიას გადადგომას ითხოვენ. აქცია სამი კვირის განმავლობაში პარლამენტთან იმართებოდა, დილიდან კი მათი ადგილი ტრადიციების მცველებმა დაიკავეს.

ეს აქციები მენტალურადაც და იდეოლოგიურადაც პოლარულად განსხვავებულია. ამასთან, აქციების მონაწილეები ერთმანეთს სულ რაღაც 400 მეტრით არიან დაშორებული, რამაც შსს-ს შეშფოთება გამოიწვია.

კიდევ ერთი, მესამე აქცია მიმდინარეობს ცენტრისგან მოშორებით, ტელეკომპანია „რუსთავი 2“-ის ოფისთან. აქციის მონაწილეები აპროტესტებენ კვირის სკანდალურ ეთერს, რომლის დროსაც პროგრამა „პოსტსკრიპტუმის“ წამყვანმა გიორგი გაბუნიამ უცენზურო და შეურაცხმყოფელი ლექსიკით მოიხსენია რუსეთის პრეზიდენტი და მისი განსვენებული მშობლები. მომიტინგეები გაბუნიასა და „რუსთავი 2“-ის ხელმძღვანელობისგან ბოდიშის მოხდას ითხოვენ.

„რუსთავი 2თან“ გამართულ საპროტესტო აქციაზე ხმაურია >>

და ბოლოს, მოულოდნელად, საღამოს დაიწყო მეოთხე ლგბტ-აქცია, რომელიც ორგანიზატორებმა თავდაპირველად გადადეს. აღლუმის მონაწილეები დროშებითა და სიმბოლიკით ცოტა ხანს ქალაქის გარეუბანში, კახეთის გზატკეცილზე, შსს-ს შენობასთან იდგნენ, შემდეგ კი რუსთაველის გამზირისკენ დაიძრნენ.

ერთადერთი, რაც ყველა ამ საპროტესტო აქციის იდენტიფიცირებისთვის შეიძლება გამოდგეს - არის წარწერები პლაკატებზე და სიმბოლიკა.

 

თემები:
ცხელი პოლიტიკური ზაფხული: ახალი საპროტესტო ტალღა თბილისში (369)

მთავარი თემები