14:19 17 თებერვალი 2020
პირდაპირი ეთერი
  • EUR3.1127
  • 100 RUB4.5228
  • USD2.8718
პოლიტიკა
მოკლე ბმულის მიღება
რუსეთი დღეს (385)
5101

2019 წლის აპრილში მსოფლიოს 250-მა ჟურნალისტმა მიმართა თხოვნით ზელენსკის – გაათავისუფლოს კირილ ვიშინსკი.

თბილისი, 2 ივლისი – Sputnik. საინფორმაციო სააგენტო Россия сегодня-სა და ტელეარხ RT-ს მთავარმა რედაქტორმა მარგარიტა სიმონიანმა უკრაინის პრეზიდენტ ვლადიმირ ზელენსკის უკრაინულ ენაზე მიმართა და პორტალ РИА Новости Украина-ს ხელმძღვანელის კირილ ვიშინსკის გათავისუფლებაში ხელშეწყობა სთხოვა.

მანამდე გავრცელდა ინფორმაცია, რომ სახელმწიფოს ღალატში ბრალდებული ჟურნალისტის საქმეზე 3 ივლისს ჩანიშნულმა სასამართლომ, შესაძლოა, აღკვეთის ღონისძიების საკითხს გადახედოს და შეარბილოს იგი, მათ შორის, შეცვალოს შინაპატიმრობით.

ხვალ შესაძლოა კირილ ვიშინსკი გაათავისუფლონ — ჟურნალისტი, რომელიც ციხეში 413 დღეა იმისთვის ზის, რომ ჟურნალისტია. ბატონო ზელენსკი, მოგმართავთ თქვენ: გააკეთეთ ეს“, — დაწერა სიმონიანმა უკრაინულ ენაზე საკუთარ Telegram-არხზე.

ჟურნალისტი კირილ ვიშინსკი კიევში 2018 წლის 15 მაისს დააკავეს და ბრალად დასდეს სახელმწიფოს ღალატი და თვითგამოცხადებული დონბასის რესპუბლიკის მხარდაჭერა. ჟურნალისტს 15 წლით თავისუფლების აღკვეთა ემუქრება.

ხსენებულ საქმეზე ეუთოს გენერალურმა მდივანმა ტომას გრემინგერმა კომენტარი გააკეთა და განაცხადა, რომ ორგანიზაციის წევრმა ქვეყნებმა საერთაშორისო სტანდარტები უნდა დაიცვან და არ უნდა ჩაერიონ მასმედიის მუშაობაში.

გარდა ამისა, 2019 წლის აპრილში მსოფლიოს 250-მა ჟურნალისტმა მიმართა თხოვნით ზელენსკის – გაათავისუფლოს კირილ ვიშინსკი.

თემები:
რუსეთი დღეს (385)

მთავარი თემები