01:09 24 აგვისტო 2019
პირდაპირი ეთერი
  • EUR3.2365
  • 100 RUB4.4581
  • USD2.9279
საპროტესტო აქცია

რუსეთის ფედერაციის საბჭო საქართველოს ხელისუფლებას ადანაშაულებს

© Sputnik / Vladimir Umikashvili.
პოლიტიკა
მოკლე ბმულის მიღება
ცხელი პოლიტიკური ზაფხული: ახალი საპროტესტო ტალღა თბილისში (361)
202 0 0

ფედერაციის საბჭოს საერთაშორისო საკითხთა კომიტეტის წევრ ოლეგ მოროზოვის თქმით, საქართველოს ხელისუფლებამ ბოდიში უნდა მოიხადოს იმ სკანდალის გამო, რომელიც მართლმადიდებლობის პარლამენტთაშორისი ასამბლეის სხდომასთან დაკავშირებით აგორდა. 

თბილისი,  21 ივნისი — Sputnik.  რუსმა პარლამენტარებმა მკვეთრად გააპროტესტეს საქართველოში დუმის დეპუტატის, სერგეი გავრილოვის ჩამოსვლასთან დაკავშირებული აჟიოტაჟი და შემდეგ დაწყებული არეულობა თბილისის ცენტრში.

„ეს დიდი ხნის წინ დაპირისპირებული ძალების მორიგი შეჯახებაა. აბსოლუტურად შიდა ქართული კონფლიქტია იმ პოლიკური პარტიების მხარდამჭერებს შორის, რომლებიც ბოლო საპრეზიდენტო არჩევნებშიც ებრძოდნენ ერთმანეთს.  თუმცა ამაში თავისი როლი შეასრულა ბატონმა სააკაშვილმაც“, — აღნიშნა ფედერაციის საბჭოს საერთაშორისო საკითხთა კომიტეტის წევრმა ოლეგ მოროზოვმა.

ამასთან, მისი თქმით, საქართველოს ხელისუფლებამ ბოდიში უნდა მოიხადოს იმ სკანდალის გამო, რომელიც მართლმადიდებლობის პარლამენტთაშორისი ასამბლეის სხდომასთან დაკავშირებით აგორდა. 

© Sputnik / STRINGER
პოლიცია რუსთაველის გამზირზე კონტროლის აღდგენას ცდილობს

„რუსეთი წარმოდგენილი იყო როგორც ოფიციალური წარმომადგენელი ოფიციალურ ღონისძიებაზე საერთაშორისო ორგანიზაციის ფარგლებში. და ქვეყანა, რომელსაც არ აქვს უნარი, ნორმალური პირობები შეუქმნას საერთაშორისო დელეგაციას, ამაზე პასუხისმგებლობა უნდა იტვირთოს“, — აღნიშნა მან.

საპროტესტო აქცია თბილისში, რომელიც მას შემდეგ დაიწყო, რაც რუსმა დეპუტატმა სერგეი გავრილოვმა საქართველოს პარლამენტის თავჯდომარის სავარძლიდან რუსულად მიმართა მართლმადიდებლობის პარლამენტთაშორის ასამბლეაზე შეკრებილებს, მოგვიანებით არეულობაში გადაიზარდა. შედეგად, საავადმყოფოებში ასზე მეტი დაშავებული გადაიყვანეს — როგორც მომიტინგეები, ისე პოლიციის თანამშრომლები. 

თემები:
ცხელი პოლიტიკური ზაფხული: ახალი საპროტესტო ტალღა თბილისში (361)

მთავარი თემები