13:00 01 ივნისი 2020
პირდაპირი ეთერი
  • EUR3.5366
  • 100 RUB4.5026
  • USD3.1761
პოლიტიკა
მოკლე ბმულის მიღება
საქართველოს პრეზიდენტი (126)
149 0 0

შეწყალება 11 პირს შეეხო

თბილისი, 24 მაისი — Sputnik. საქართველოს პრეზიდენტმა სალომე ზურაბიშვილმა ქვეყნის დამოუკიდებლობის დღესთან დაკავშირებით რვა მსჯავრდებული და სამი პირობითი მსჯავრის ქვეშ მყოფი პირი შეიწყალა, ნათქვამია პრეზიდენტის ვებგვერდზე გავრცელებულ განცხადებაში.

საქართველო დამოუკიდებლობის დღეს 26 მაისს აღნიშნავს.

სააღდგომოდ ციხეებს 19 პატიმარი დატოვებს >>

ყველა შეწყალებული მსჯავრდებული სასჯელაღსრულების დაწესებულებებს პარასკევს დატოვებს. დანარჩენი სამი შეწყალებული, მათ შორის 1 ქალბატონი, პირობითად ჩათვლილი თავისუფლების აღკვეთის შემდგომი მოხდისაგან სრულად გათავისუფლდა.

მეხუთე პრეზიდენტმა თანამდებობის დაკავებიდან შეწყალების უფლებით მესამედ ისარგებლა. ახალი 2019 წლის წინ პრეზიდენტმა შეიწყალა სამი, ხოლო აღდგომის წინ - 42 მსჯავრდებული.

შეწყალება მხოლოდ და მხოლოდ პრეზიდენტის პრეროგატივას წარმოადგენს. შეწყალების კანდიდატთა სიას მას გადასცემს შეწყალების სახელმწიფო კომისია ყველა შესული განცხადების შესწავლის შემდეგ.

კანონის მიხედვით, შეწყალების უფლება აქვს პირს, რომელმაც მოიხადა სასჯელის ვადის არანაკლებ ნახევარზე მეტი, თუ გასამართლებული იყო ორი ან მეტი მუხლით და მისჯილი ჰქონდა 5 წელზე მეტი, ასევე პირს, რომელმაც მოიხადა ვადის არანაკლებ 1/3, თუ გასამართლებული იყო ერთი მუხლით და მისჯილი ჰქონდა 5 წელზე ნაკლები.

თემები:
საქართველოს პრეზიდენტი (126)

მთავარი თემები