07:15 16 ივლისი 2019
პირდაპირი ეთერი
  • EUR3.2210
  • 100 RUB4.5596
  • USD2.8555
2018 წლის საპრეზიდენტო არჩევნების მეორე ტური

საინტერესო დეტალები 19 მაისის არჩევნებზე: ზუგდიდის მერობის მთავარი პრეტენდენტები

© Sputnik / Denis Aslanov
პოლიტიკა
მოკლე ბმულის მიღება
შუალედური და რიგგარეშე არჩევნები საქართველოში (101)
102 0 0

ზუგდიდის რაიონის მერის პოსტზე 16 კანდიდატი იბრძვის

თბილისი, 14 მაისი — Sputnik. ზუგდიდის რაიონის მცხოვრებლები კვირას, 19 მაისს რიგგარეშე არჩევნებზე მერს აირჩევენ.

ზუგდიდის მერის პოსტი ვაკანტური მას შემდეგ გახდა, რაც 2017 წელს მმართველი პარტიიდან არჩეული ლაშა გოგია 2018 წლის სექტემბერში გადადგა. ორი თვის შემდეგ კი ის ქრთამის აღების ბრალდებით დააკავეს.

ამ რაიონში 121 ათასზე მეტი ამომრჩეველია. მათთვის 107 საარჩევნო უბანი გაიხსნება.

ზუგდიდის რაიონის მერის პოსტზე 16 კანდიდატი იბრძვის.

პოლიტიკური ექსპერტების თვალსაზრისით, ძირითადი ბრძოლა წარიმართება ორ მთავარ დაპირისპირებულ ძალას შორის - მმართველ პარტია „ქართული ოცნება - დემოკრატიულ საქართველოს“ და ოპოზიციური გაერთიანება „ძალა ერთობაშიას“ შორის, რომელშიც ყოფილი მმართველი პარტია „ერთიანი ნაციონალური მოძრაობა“ ლიდერობს.

არჩევნებზე „ქართულ ოცნებას“ წარმოადგენს გიორგი შენგელია, ხოლო „ერთიან ნაციონალურ მოძრაობას“ - სანდრა რულოვსი.

Георгий Шенгелия
გიორგი შენგელია

შენგელიას ზუგდიდელები კარგად იცნობენ. 2018 წლის სექტემბრიდან ის, როგორც მერის პირველი მოადგილე ადგილობრივ ხელისუფლებას ხელმძღვანელობს. მანამდე ის შვიდი წლის განმავლობაში TBC Bank-ის ზუგდიდის სერვის ცენტრის დირექტორი იყო.

სანდრა რულოვსი - საქართველოს ყოფილი პირველი ლედია, ის საქართველოს მესამე პრეზიდენტს, მიხეილ სააკაშვილის მეუღლეა.

Сандра Рулофс
სანდრა რულოვსი

მას უკვე გააჩნია არჩევნებში მონაწილეობის გამოცდილება, თანაც ზუგდიდში. 2016 წლის საპარლამენტო არჩევნებზე ის როგორც მაჟორიტარი კანდიდატი მეორე ტურში გავიდა, მაგრამ ბრძოლის გაგრძელებაზე უარი თქვა.

ზუგდიდში შენგელიასა და რულოვსს კონკურენცია შეიძლება გაუწიოს შავლეგი თოდუამ, რომელიც კენჭს „საქართველოს პატრიოტთა ალიანსიდან“ იყრის. ეს პარტია საქართველოს სამხედრო ნეიტრალიტეტის და ყველა ქვეყანასთან, მათ შორის რუსეთთან,  კეთილმეზობლური ურთიერთობების მომხრეა, თუმცა საქართველოს ეროვნული ინტერესების გათვალისწინებით. „საქართველოს პატრიოტთა ალიანსი“ საკუთარ თავს პოზიციონირებს როგორც „ქართული ოცნების“ და „ნაციონალური მოძრაობის“ ალტერნატივას.

თემები:
შუალედური და რიგგარეშე არჩევნები საქართველოში (101)

მთავარი თემები