08:44 22 ივლისი 2019
პირდაპირი ეთერი
  • EUR3.2410
  • 100 RUB4.5787
  • USD2.8845
პატრული

საქართველოში პოლიციელების მწვავე უკმარისობაა – რას გეგმავს შსს

© Sputnik / Alexander Imedashvili
პოლიტიკა
მოკლე ბმულის მიღება
12410

გიორგი გახარიას განცხადებით, საქართველოში საპატრულო პოლიციის თანამშრომელთა რაოდენობა 2010 წლიდან არ შეცვლილა.

თბილისი, 2 მაისი — Sputnik. საქართველოს შინაგან საქმეთა მინისტრმა გიორგი გახარიამ ქვეყანაში ტურისტებისა და ავტომობილების რაოდენობის ზრდის გამო საპატრულო პოლიციის ეკიპაჟების რაოდენობის გაზრდის აუცილებლობაზე ისაუბრა.

გიორგი გახარია: „შსს-ს ვერავინ ვერასდროს ვერ შეუზღუდავს არეალებს“>>>

„საქართველოში მნიშვნელოვნად გაიზრდება საპატრულო ეკიპაჟების რაოდენობა. ამ შემთხვევაში თქვენ მინდა დახმარება გთხოვოთ", – მიმართა გახარიამ დეპუტატებს პარლამენტში „მინისტრის საათის" ფარგლებში სიტყვით გამოსვლისას.

როგორც მან აღნიშნა, საქართველოში საპატრულო პოლიციის თანამშრომელთა რაოდენობა 2010 წლიდან არ შეცვლილა.

„ამ პერიოდში დარეგისტრირებული ტრანსპორტის რაოდენობა 700 ათასიდან 1,2 მილიონამდე, ტურისტების რაოდენობა კი 1 მილიონიდან 9 მილიონამდე გაიზარდა და, თქვენ მიერ მიღებული კანონებიდან გამომდინარე, საპატრულო პოლიციას დამატებითი ვალდებულებები დაეკისრა. ამ პირობებში პატრულის რაოდენობა არ გაზრდილა და დღეს მწვავედ დგას ადამიანური რესურსის ნაკლებობის საკითხი", – განაცხადა გახარიამ.

საპატრულო პოლიციის მოვალეობებში შედის დანაშულსა და სახიფათო სიტუაციაზე რეაგირება, საზოგადოებრივი წესრიგის დაცვა, საგზაო მოძრაობის მონაწილეთა უსაფრთხოების დაცვა, გზებზე ავარიების შემცირების მიზნით ღონისძიებების ჩატარება, სახელმწიფო საზღვრის საკონტროლო-გამშვებ პუნქტებზე სასაზღვრო რეჟიმის დაცვა, არალეგალურ მიგრაციასთან ბრძოლა და მისი აღკვეთა.

მთავარი თემები