11:10 09 დეკემბერი 2019
პირდაპირი ეთერი
  • EUR3.2690
  • 100 RUB4.6218
  • USD2.9466
ირაკლი კობახიძე

კობახიძე: ხელისუფლების გეგმაშია მომზადება ინაუგურაციისთვის და 2020 წლის არჩევნებისთვის

© Sputnik / Alexander Imedashvili
პოლიტიკა
მოკლე ბმულის მიღება
საქართველოს პარლამენტის თავმჯდომარე (13)
95 0 0

კობახიძის განცხადებით, „ნაცმოძრაობას" ქვეყანაში დესტაბილიზაციის ხელოვნურად გამოწვევის რესურსი არ გააჩნია

თბილისი, 3 დეკემბერი — Sputnik. საქართველოს ხელისუფლება ემზადება პრეზიდენტის ინაუგურაციისა და 2020 წლის საპარლამენტო არჩევნებისთვის - ასე უპასუხა ქვეყნის პარლამენტის თავმჯდომარე ირაკლი კობახიძემ საზოგადოებრივი მაუწყებლის პირველ არხზე გაერთიანებული ოპოზიციის ულტიმატუმს.

ოპოზიციური გაერთიანების „ძალა ერთობაშია" პრეზიდენტობის კანდიდატმა გრიგოლ ვაშაძემ რუსთაველის გამზირზე საპროტესტო მიტინგზე კვირას ხელისუფლებისგან მოითხოვა, რომ პროტესტანტების მოთხოვნების შესრულებასთან დაკავშირებით 16 დეკემბერამდე შეიქმნას სამუშაო ჯგუფი. ერთ-ერთი მთავარი მოთხოვნაა ვადამდელი საპარლამენტო არჩევნების ჩატარება პროპორციული სისტემით.

ამასთან, გაერთიანებული ოპოზიცია არ აღიარებს საპრეზიდენტო არჩევნების შედეგებს და აპირებს, სასამართლოს მიმართოს არჩევნების შედეგების გაუქმების მოთხოვნით.

„ჩვენ ვემზადებით ინაუგურაციისთვის, ასევე 2020 წლის საპარლამენტო არჩევნებისთვის. ასეთია ჩვენი დღის წესრიგი. დღეს დავინახეთ, რომ "ნაცმოძრაობას" არ აქვს არავითარი რესურსი, ქვეყანაში ხელოვნურად გამოიწვიოს დესტაბილიზაცია. აქედან გამომდინარე, ჩვენს დღის წესრიგს უნდა გავყვეთ. ველოდებით ინაუგურაციას და საპარლამენტო არჩევნებს", - განაცხადა კობახიძემ.

საპრეზიდენტო არჩევნები 59,52%-ით მოიგო სალომე ზურაბიშვილმა, რომელსაც მმართველი პარტია „ქართული ოცნება - დემოკრატიული საქართველო" უჭერს მხარს.

ახალი პრეზიდენტის ინაუგურაცია 16 დეკემბერს გაიმართება.

 

თემები:
საქართველოს პარლამენტის თავმჯდომარე (13)

მთავარი თემები