04:13 16 ნოემბერი 2018
პირდაპირი ეთერი
  • EUR3.0299
  • 100 RUB4.0185
  • USD2.6818
მამუკა ბახტაძე

ბახტაძე: 2019 წლიდან სამხედრო მოსამსახურეებს ხელფასები გაეზრდებათ

© Sputnik / Levan Avlabreli
პოლიტიკა
მოკლე ბმულის მიღება
საქართველოს მთავრობა (123)
133 0 0

ხელფასები ასევე გაეზრდებათ შსს-ს სასაზღვრო პოლიციის მესაზღვრეებს, სანაპირო დაცვის ხომალდების მომსახურე პერსონალსა და სპეციალური დაცვის სამსახურის თანამშრომლებს.

თბილისი, 8 ნოემბერი — Sputnik. 2019-2020 წლებში 7 526 სამხედრო მოსამსახურეს ხელფასი წოდების მიხედვით გაეზრდება, განაცხადა საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ პრესკონფერენციაზე.

ბახტაძის განცხადებით, 2016 წლიდან მნიშვნელოვანი ნაბიჯები გადაიდგა შეიარაღებული ძალების პირადი შემადგენლობის ფინანსური მდგომარეობის გაუმჯობესებისთვის და მათი სოციალური მხარდაჭერის ზრდის თვალსაზრისით.

განათლების სამინისტრო: პედაგოგების ხელფასი 2 ათას ლარამდე გაიზრდება>>

პრემიერ-მინისტრმა ასევე ისაუბრა სამხედრო მოსამსახურეების ბინებით უზრუნველყოფაზე და განაცხადა, რომ საკონტრაქტო სამხედრო მოსამსახურეებისთვის ბინების გადაცემის პროცესი 2020 წლისთვის დასრულდება. მისი თქმით, 2013 წლიდან დღემდე ბინა 1634 ოჯახს გადაეცა.

„2020 წლისთვის ჩვენ შევძლებთ თავდაცვის სამინისტროს საკონტრაქტო სამხედრო მოსამსახურეების წინაშე 2007 წელს ხელშეკრულებით ნაკისრი ვალდებებულებების სრულად შესრულებას. ბინების გადაცემა მოხდება სამ ეტაპად და 2020 წლისთვის დასრულდება", – აღნიშნა ბახტაძემ.

გარდა ამისა, პრემიერ-მინისტრის თქმით, 2019 წლის ზაფხულიდან შსს-ს თანამშრომლებს, 14 ათასამდე მოქალაქეს გაეზარდა ხელფასი და ეს პროცესი გაგრძელდება.

კერძოდ, 2019 წლიდან თანამდებობრივი სარგო 250 ლარით გაეზრდებათ შსს-ს სასაზღვრო პოლიციის მესაზღვრეებსა და სანაპირო დაცვის ხომალდების მომსახურე პერსონალს, დაახლოებით 2900 მოქალაქეს.

ასევე 1 იანვრიდან იგეგმება ხელფასის ზრდა სხვა დანაყოფებისთვისაც, მათ შორის სპეციალური დაცვის სამსახურის თანამშრომლებისთვისაც.

 

თემები:
საქართველოს მთავრობა (123)

მთავარი თემები