თბილისი, 3 ნოემბერი — Sputnik. აშშ–ის სახელმწიფო დეპარტამენტის წარმომადგენლებმა მახრი დაუჭირეს საქართველოს პოტენციურ გაწევრიანებას ნატოში, თუმცა, უკრაინისადმი ანალოგიურ დაპირებაზე კომენტარი არ გაუკეთებიათ.
„ჩვენ ერთგულნი ვართ ბუქარესტში აღებული ვალდებულებისა, რომ საქართველო გახდება ნატოს წევრი. ჩვენ კვლავაც მტკიცედ ვუჭერთ მხარს მის იმედებს ამ მიმართულებით“, — განაცხადა სახელმწიფო მდივნის პირველმა მოადგილემ ტონი ბლინკენმა საქართველოს საგარეო საქმეთა მინისტრ გიორგი კვირიკაშვილთან შეხვედრაზე.
ნატოს ქვეყნებმა ბუქარესტის 2008 წლის სამიტზე დადეს პირობა, რომ საქართველო და უკრაინა მომავალში ჩრდილოატლანტიკურ ალიანსში გაწევრიანდებიან. ამასთან, ბლინკენს უკრაინა არ უხსენებია.
სახელმწიფო დეპარტამენტის წარმომადგენელი ელიზაბეტ ტრიუდომ უარი თქვა განემარტა, უჭერს თუ არა ამერიკა მხარს უკრაინის ნატოში გაწევრიანებას.
„ალიანსი კონსენსუსის საფუძველზე იწვევს ახალ წევრებს, როდესაც ისინი მზად არიან და შეუძლიათ წვლილი შეიტანონ ჩრდილოატლანტიკური რეგიონის უსაფრთხოებაში. ნატოში გაწევრიანების ნებისმიერი გადაწყვეტილება მიიღება უკრაინისა და და ალიანსის წევრების მიერ და მე არ ვისაუბრებ ქვეყნის მზადყოფნაზე მანამ, სანამ ის ფორმალურ განაცხადს არ წარმოადგენს“, — განაცხადა ტრიუდომ ჟურნალისტებთან.
