თბილისი, 16 ნოემბერი - Sputnik. ზუგდიდის საექსპერტო კრიმინალურ დეპარტამენტში ფოთის სხვადასხვა დაწესებულებებიდან 40-ზე მეტი ქალია გადაყვანილი, იუწყება Rustavi 2.
ქალები უმეტესად კაფე-ბარებიდან აიყვანეს.
შინაგან საქმეთა სამინისტროში არ აკონკრეტებენ, თუ რა კონკრეტული საგამოძიებო მოქმედებების ფარგლებში მოხდა მათი საექსპერტო ბიუროში გადაყვანა, თუმცა როგორც Rustavi 2 იუწყება, საქმე ნარკოლოგიურ შემოწმებას ეხება. საექსპერტო კრიმინალური დეპარტამენტი ქალების ნაწილმა უკვე დატოვა.
მათი შემოწმება სისხლის სამართლის კოდექსის 254-ე მუხლით მიმდინარე გამოძიების ფარგლებში განხორციელდა, რაც პროსტიტუციის ხელშეწყობას გულისხმობს.
