21:41 22 ოქტომბერი 2019
პირდაპირი ეთერი
  • EUR3.3158
  • 100 RUB4.6607
  • USD2.9701
აეროპორტი

ფრენები საქართველოში: საქართველოს აეროპორტებმა დაგეგმილზე ნაკლები მგზავრები მიიღეს

© Sputnik / Alexander Imedashvili
ახალი ამბები
მოკლე ბმულის მიღება
ავიამიმოსვლა საქართველოში (66)
86 0 0

2019 წლის ცხრა თვეში საქართველოს აეროპორტებში 2,72%-ით მეტი ავიარეისი შესრულდა, ვიდრე გასული წლის ანალოგიურ პერიოდში.

თბილისი, 11 ოქტომბერი — Sputnik. საქართველოს აეროპორტებმა 2019 წლის ცხრა თვეში 4,1 მლნ მგზავრზე მეტი მიიღეს, რაც 5,4%-ით მეტია გასული წლის ანალოგიურ პერიოდთან შედარებით, მაგრამ 9-10%-ით ნაკლებია საპროგნოზო მაჩვენებელთან შედარებით, ნათქვამია საქართველოს სამოქალაქო ავიაციის სააგენტოს განცხადებაში.

სააგენტოს ინფორმაციით, მიზეზი საქართველო-რუსეთს შორის პირდაპირი ავიამიმოსვლის შეწყვეტაა.

ფრენები ორ ქვეყანას შორის მიმდინარე წლის 8 ივლისიდან შეწყდა. რუსეთის პრეზიდენტმა ვლადიმირ პუტინმა ეს გადაწყვეტილება თბილისში მიმდინარე საპროტესტო აქციების ფონზე რუსეთის მოქალაქეთა უსაფრთხოების უზრუნველყოფის მიზნით მიიღო.

როგორც უწყებაში აღნიშნეს, იანვრიდან ოქტომბრის ჩათვლით პერიოდში თბილისის საერთაშორისო აეროპორტში მგზავრთნაკადი 0,68%-ით გაიზარდა, ბათუმის აეროპორტში – 2,01%-ით, ხოლო ქუთაისის აეროპორტში – 39,79%-ით.

რაც შეეხება ადგილობრივ აეროპორტებს, მესტიის აეროპორტში მგზავრთნაკადი 20,23%-ით გაიზარდა, ამბროლაურის აეროპორტში კი 15%-ით.

ამასთან, 2019 წლის ცხრა თვეში საქართველოს აეროპორტებში 2,72%-ით მეტი ავიარეისი შესრულდა, ვიდრე გასული წლის ანალოგიურ პერიოდში.

გარდა ამისა, გასული წლის ანალოგიურ პერიოდთან შედარებით სატვირთო ავიაგადაზიდვების მოცულობა 2,01%-ით შემცირდა.

სააგენტოს განცხადებით, იანვარ-ოქტომბერში საავიაციო ბაზარზე შვიდი ახალი ავიაკომპანია გამოჩნდა: AIR FRANCE, Air Malta, SmartLynx Airlines, GetJet, Onurair, Uzbekistan Airways და Aircompany Armenia.

ადრე კომპანია TAV-Georgia-ს გენერალური მენეჯერის მოადგილემ თეა ზაქარაძემ განაცხადა, რომ სექტემბერში თბილისის საერთაშორისო აეროპორტში მგზავრთა რაოდენობა 17%-ით შემცირდა, ბათუმის აეროპორტში – 12%-ით. კომპანიის წარმომადგენლის განცხადებით, ბოლო 10 წლის განმავლობაში ეს არის პირველი შემთხვევა, როდესაც ასეთი ცუდი სტატისტიკა დაფიქსირდა.

თემები:
ავიამიმოსვლა საქართველოში (66)

მთავარი თემები