01:43 12 აგვისტო 2020
პირდაპირი ეთერი
  • EUR3.6272
  • 100 RUB4.2244
  • USD3.0747
ახალი ამბები
მოკლე ბმულის მიღება
17410

ქართულმა იარაღმა გამოფენის სტუმრები და მონაწილეები დააინტერესა.

თბილისი, 18 თებერვალი — Sputnik. საქართველომ შეიარაღებისა და თავდაცვითი მრეწველობის პრესტიჟულ საერთაშორისო გამოფენაზე IDEX 2019 აბუ-დაბიში (არაბთა გაერთიანებული საამიროები) წარადგინა „დიდგორი მეომრის" ახალი მობილური ნაღმმტყორცნის მოდული, ნათქვამია სამეცნიერო-კვლევითი ცენტრი „დელტას" განცხადებაში.

ახალი სისტემა – 120-მილიმეტრიანი ნაღმმტყორცნი შესაძლებლობას იძლევა, განხორციელდეს გასროლების სერია სპეციალური დანადგარის გარეშე, მისი დამონტაჟება შესაძლებელია როგორც ავტომობილზე, ისე მიწაზე.

Система залпового минометного огня на базе бронемашины Дидгори Меомари
„დელტა“ IDEX 2019-ზე

სისტემა არის სპეციალურად მორგებული არსებულ ნაღმმტყორცნებზე და მასში შეიძლება ჩაიტვირთოს ნავიგაციის თანამედროვე სისტემები და სროლის სისტემების ბალისტიკური კალკულატორები.

„ინტერესი ახალი პროდუქტის მიმართ ძალიან დიდია. სხვადასხვა ქვეყნის დელეგაცია დაინტერესდა ამ სისტემით და, ვფიქრობთ, რომ გამოფენის ბოლოსთვის გვექნება უკეთესი ხედვა იმისა, თუ რა კომერციულ წარმატებაზე შეიძლება ვისაუბროთ ამ პროდუქტის შემთხვევაში და, ამავდროულად, რა გეგმები იქნება მისი განვითარების იმ მოთხოვნებიდან გამომდინარე, რაც წამოვა კლიენტის მხრიდან", – განაცხადა „დელტას" გენერალურმა დირექტორმა უჩა ძოძუაშვილმა.

ქართულ პავილიონში ასევე წარმოდგენილია მოდიფიცირებული ჯავშანტრანსპორტიორი „დიდგორი", სამედიცინო საევაკუაციო ჯავშანმანქანები, ნაღმმტყორცნები, მსუბუქი შეიარაღება და ინდივიდუალური დაცვის საშუალებები.

IDEX მსოფლიოში ერთ-ერთი დიდი და ახლო აღმოსავლეთსა და ჩრდილოეთ აფრიკაში შეიარაღების ყველაზე მასშტაბური გამოფენაა. ის 1993 წლიდან ყოველ ორ წელიწადში ერთხელ რეგულარულად იმართება. წლევანდელი გამოფენა დღეს გაიხსნა და 21 თებერვალს დასრულდება. მასში 1,3 ათასზე მეტი კომპანია მონაწილეობს.

Модифицированный бронетранспортер Дидгори и Медицинская эвакуационная бронемашина
„დელტა“ IDEX 2019-ზე

ცენტრი „დელტა" 2005 წელს შეიქმნა და აერთიანებს რიგ საწარმოებს, მათ შორის „თბილავიამშენს".

 

მთავარი თემები