07:40 21 ოქტომბერი 2019
პირდაპირი ეთერი
  • EUR3.3088
  • 100 RUB4.6461
  • USD2.9718
ინფოგრაფიკა

ვაჭრობა და მრეწველობა: ლიდერები მშპ-ის სტრუქტურაში

მოკლე ბმულის მიღება
საქართველოს ეკონომიკა (271)
73 0 0
საქართველოს მშპ   2019 წლის  II კვარტალი
© Sputnik / Konstantin Ivanov.

2019 წლის მეორე კვარტალში საქართველოს მშპ-ის ზრდამ, გასული წლის ანალოგიურ პერიოდთან შედარებით, 4,5% შეადგინა, ნათქვამია საქართველოს სტატისტიკის ეროვნული სამსახურის „საქსტატის" მასალებში.

მიმდინარე ფასებით 2019 წლის აპრილ-ივნისში მთლიანი შიდა პროდუქტის მოცულობამ 11 მილიარდ აშშ დოლარზე მეტი შეადგინა, გასულ წელს კი 10,2 მილიარდი იყო.

ბოლო წლის განმავლობაში ლარი დოლარის მიმართ 13%-ით გაუფასურდა. ეროვნული ბანკის მიერ დადგენილი დღევანდელი კურსია 2,9770 GEL/$1.

საერთაშორისო სარეიტინგო სააგენტო Fitch ვარაუდობს, რომ საქართველოში 2019 წელს ეკონომიკური ზრდა 4,3%-მდე შენელდება (2018 წელს – 4,7%), რადგან დაკრედიტების ზრდა ნელდება, ხოლო რუსული რეისების აკრძალვა ტურისტული სექტორის გაფართოებას აფერხებს. საქართველოში ვარაუდობენ, რომ წლის ბოლომდე ტურისტულ სექტორში ზარალმა, შესაძლოა, 2,1 მილიარდ ლარს მიაღწიოს.

ამასთან, Fitch-ის შეფასებით, საქართველოში ზრდა BB რეიტინგის მქონე ქვეყნების პროგნოზირებად საშუალო მნიშვნელობაზე (3,3%) მაღალი დარჩება. ინფრასტრუქტურაზე ხარჯების ზრდა და შედარებით სუსტი საგადასახადო-საბიუჯეტო პოლიტიკა 2020-2021 წლებში ზრდის ტემპების საშუალოდ 4,7%-მდე მომატებას შეუწყობს ხელს, მიიჩნევს Fitch.

ეკონომიკური ზრდის შენელებას ასევე ვარაუდობს კონსალტინგური კომპანია Galt & Taggart. მისი პროგნოზით, ტურიზმის სფეროში შემოსავლების სავარაუდო შემცირების გამო 2019 წლის მეორე ნახევარში ზრდა 4,3%-ს შეადგენს. მთლიანად წელიწადში ეკონომიკა 4,5%-ით გაიზარდება, რადგან 2019 წლის პირველ ორ კვარტალში ზრდამ 4,8% შეადგინა, მიიჩნევენ კომპანიის ანალიტიკოსები.

საქართველოს ეროვნული ბანკის პროგნოზით, ამ ეტაპზე საგარეო მოთხოვნის მოსალოდნელი შემცირების ფონზე (ტურიზმის ექსპორტი) მშპ-ის რეალური ზრდა 2019 წელს 4,5%-ს შეადგენს.

2019 წლის სახელმწიფო ბიუჯეტის მიხედვით, ეკონომიკური ზრდის პროგნოზი 4,5%-ს შეადგენს. რაც შეეხება მომდევნო წლების პროგნოზს, მოსალოდნელია, რომ 2022 წელს ეკონომიკური ზრდა 6% იყოს.

თემები:
საქართველოს ეკონომიკა (271)

მეტი ინფოგრაფიკა

  • რა საფრთხეების შემცველია ბუნებრივი აირი
  • როგორ შეიცვალა ხელფასები საქართველოში
    Last update: 19:24 20.09.2019
    19:24 20.09.2019

    ხელფასები საქართველოში

    საქართველოს სტატისტიკის ეროვნული სამსახურის („საქსტატი“) მონაცემებით, 2019 წლის მეორე კვარტალში საქართველოში საშუალოთვიურმა ხელფასმა 1179,8 ლარი შეადგინა, რაც 6,9%–ით მეტია გასული წლის ანალოგიურ პერიოდთან შედარებით.

    199
  • როგორ მოვამზადოთ პირველკლასელი სკოლისთვის
    Last update: 14:16 14.09.2019
    14:16 14.09.2019

    როგორ მოვამზადოთ პირველკლასელი სკოლისთვის

    საქართველოში მშობლებს პირველკლასელის მომზადება მიმიმუმ 220 ლარი დაუჯდებათ.

    79
  • ახალი მთავრობა
    Last update: 14:16 09.09.2019
    14:16 09.09.2019

    საქართველოს მთავრობის ახალი შემადგენლობა

    2012 წელს ხელისუფლების ცვლილების შემდეგ ქვეყნის პირველი პრემიერ-მინისტრი მილიარდერი ბიძინა ივანიშვილი გახდა. სწორედ მან გააერთიანა მის ირგვლივ მაშინდელი ოპოზიცია და შეძლო საპარლამენტო არჩევნებზე ხმების უმრავლესობის მოპოვება, რითიც მიხეილ სააკაშვილის გუნდის ცხრაწლიანი მმართველობა დასრულდა

    141

მთავარი თემები