14:56 13 ნოემბერი 2019
პირდაპირი ეთერი
  • EUR3.2645
  • 100 RUB4.6247
  • USD2.9618
ინფოგრაფიკა

ვინ ითხოვს თავშესაფარს საქართველოში

მოკლე ბმულის მიღება
196 0 0
ვინ შეიფარა საქართველომ
© Sputnik / Konstantin Ivanov.

საქართველოს ყოველწლიურად სულ უფრო მეტი უცხოელი სტუმრობს. ამასთან, ტურიზმის ზრდასთან ერთად იზრდება საქართველოში თავშესაფრის მიღების მსურველთა რაოდენობა, რამდენადაც საქართველო უსაფრთხო ქვეყნების სიაშია შესული.

2019 წლის პირველ კვარტალში საქართველოს თავშესაფრის მიღების სურვილით 264-მა უცხოელმა მიმართა, მათი ნახევარი ირანის მოქალაქეები იყვნენ. შსს-ს ინფორმაციით, საქართველოში თავშესაფრის მიღების მსურველთა ხუთეულში არიან ასევე ინდოეთის, თურქეთის, ერაყისა და რუსეთის მოქალაქეები.

რატომ ხდება ისრაელიდან ქართველების დეპორტაცია - საგარეო უწყების განმარტება>>>

თუმცა, საქართველოში შესაბამისი სტატუსის მიღება არცთუ მარტივია. ხელისუფლება მჭიდროდ თანამშრომლობს სხვადასხვა ქვეყნებთან და საფუძვლიანი შემოწმების შემდეგ თავშესაფარზე თანხმობას ერთეულებს აძლევს. პროცედურა თითქმის ნახევარი წელი გრძელდება.

თავშესაფრის მიღებაზე უარყოფითი პასუხის მაჩვენებელი მაღალია – მიმდინარე წლის პირველ კვარტალში 137 ადამიანი. მათ შორის არიან ირანის, ავღანეთის, სირიის, ეგვიპტის, რუსეთისა და სხვა ქვეყნების მოქალაქეები. თუმცა, ეს არ ნიშნავს, რომ მათ ქვეყანა სასწრაფო წესით უნდა დატოვონ, მათ შეუძლიათ გადაწყვეტილება სასამართლოში გაასაჩივრონ და სარჩელის განხილვამდე საქართველოში დარჩნენ.

2019 წლის პირველ კვარტალში ლტოლვილის სტატუსი რუსეთის ორმა და ეგვიპტის ერთმა მოქალაქემ მიიღეს.

ლტოლვილის სტატუსი „საფუძვლიანი ეჭვის“ საფუძველზე ენიჭებათ პირებს, რომლებიც არ არიან საქართველოს მოქალაქეები ან მოქალაქეობის არმქონე პირებს, რომლებიც მუდმივად საქართველოში ცხოვრობენ. ასევე მათ, ვისაც თავის სამშობლოში დევნის დასაბუთებული საფრთხე აქვს, მათ შორის რელიგიურ და ნაციონალურ ნიადაგზე.

გარდა ამისა, იემენის ორმა, უკრაინის ერთმა მოქალაქემ და მოქალაქეობის არმქონე ორმა პირმა საქართველოს ჰუმანიტარული სტატუსი მიიღო.

ჰუმანიტარული სტატუსი ენიჭებათ პირებს, რომლებიც არ აკმაყოფილებენ კრიტერიუმებს ლტოლვილის სტატუსის მინიჭებისთვის, თუმცა იძულებული გახდნენ, სამშობლო დაეტოვებინათ ძალადობის ფაქტების, გარე აგრესიის, ოკუპაციის, შიდა კონფლიქტების, ადამიანის უფლებების მასობრივი დარღვევების გამო.

ჰუმანიტარული სტატუსი ერთი წლით გაიცემა. შემდგომ საქმე კვლავ გადაიხედება.

მეტი ინფოგრაფიკა

  • საქართველო ნაკლებ საწვავს ყიდულობს
    Last update: 14:04 04.11.2019
    14:04 04.11.2019

    საქართველო ნაკლებ საწვავს ყიდულობს

    საქართველომ 2019 წლის იანვარი–სექტემბრის პერიოდში 779,4 ათასი ტონა ნავთობპროდუქტების იმპორტი განახორციელა, რაც 4,3%-ით ნაკლებია 2018 წლის ანალოგიური პერიოდის მაჩვენებელზე, ნათქვამია საქართველოს ნავთობპროდუქტების იმპორტიორთა კავშირის განცხადებაში

    69
  • რა საფრთხეების შემცველია ბუნებრივი აირი
  • საქართველოს მშპ   2019 წლის  II კვარტალი
    Last update: 16:49 01.10.2019
    16:49 01.10.2019

    ვაჭრობა და მრეწველობა: ლიდერები მშპ-ის სტრუქტურაში

    2019 წლის მეორე კვარტალში საქართველოს მშპ-ის ზრდამ, გასული წლის ანალოგიურ პერიოდთან შედარებით, 4,5% შეადგინა, ნათქვამია საქართველოს სტატისტიკის ეროვნული სამსახურის „საქსტატის" მასალებში

    78
  • როგორ შეიცვალა ხელფასები საქართველოში
    Last update: 19:24 20.09.2019
    19:24 20.09.2019

    ხელფასები საქართველოში

    საქართველოს სტატისტიკის ეროვნული სამსახურის („საქსტატი“) მონაცემებით, 2019 წლის მეორე კვარტალში საქართველოში საშუალოთვიურმა ხელფასმა 1179,8 ლარი შეადგინა, რაც 6,9%–ით მეტია გასული წლის ანალოგიურ პერიოდთან შედარებით.

    226

მთავარი თემები