11:02 07 დეკემბერი 2019
პირდაპირი ეთერი
  • EUR3.2690
  • 100 RUB4.6218
  • USD2.9466
ინფოგრაფიკა

საქართველოს სამთო კურორტები რეკორდებს ხსნიან

მოკლე ბმულის მიღება
ტურიზმი საქართველოში (161)
114 0 0
საქართველოს სამთო კურორტები
© Sputnik / Konstantin Ivanov.

საქართველოს ზამთრის კურორტები სულ უფრო პოპულარული ხდება როგორც ადგილობრივ მცხოვრებლებს, ისე უცხოელ ტურისტებს შორის. ამაზე მეტყველებს ქვეყნის ოთხივე სამთო კურორტზე ვიზიტორების რაოდენობის ზრდა.

საქართველოს ეკონომიკისა და მდგრადი განვითარების სამინისტროს „მთის კურორტების განვითარების კომპანიის“ მონაცემების თანახმად, 2011-2012 წლის ზამთრის სეზონიდან დაწყებული, ბაკურიანში, გუდაურში, მესტიასა და გოდერძიზე ვიზიტორების რაოდენობა 578%-ით გაიზარდა.

2018-2019 წლის ზამთრის სეზონზე საქართველოს სამთო კურორტებს 603 ათასზე მეტი ადამიანი ეწვია. თუ ამ მონაცემებს 2017-2018 წლების მაჩვენებელს შევადარებთ (დაახლოებით 525 ათასი ვიზიტორი), ზრდა 15%-ს შეადგენს.

ზამთრის კურორტებზე სეზონი ძირითადად დეკემბერი-აპრილის ჩათვლით გრძელდება. წელს იგი 128 დღე გაგრძელდა.

ტურიზმის განვითარება, მათ შორის მდიდარი ტურისტების მოზიდვა, საქართველოს მთავრობის ერთ-ერთი პრიორიტეტია. ამ მიზნით იგეგმება ტრანსპორტისა და ინფრასტრუქტურის მოწესრიგება, მომსახურების სფეროში დასაქმებულთა გადამზადება.

2018 წელს ამ მიმართულებით მთლიანობაში 90 მილიონი ლარის ღირებულების 14 პროექტი განხორციელდა.

2018 წელს ტურიზმმა საქართველოში ყველა რეკორდი მოხსნა. წლის განმავლობაში უცხოელებმა ქვეყნის საზღვარი დაახლოებით 8,7 მილიონჯერ გადმოკვეთეს, რაც 10%-ით მეტია 2017 წელთან შედარებით. აქედან ტურისტული ვიზიტი 4,8 მლნ იყო.

საქართველოსადმი ყველაზე დიდ ინტერესს აზერბაიჯანის, რუსეთისა და სომხეთის მოქალაქეები იჩენენ.

თემები:
ტურიზმი საქართველოში (161)

მეტი ინფოგრაფიკა

  • საქართველო ნაკლებ საწვავს ყიდულობს
    Last update: 14:04 04.11.2019
    14:04 04.11.2019

    საქართველო ნაკლებ საწვავს ყიდულობს

    საქართველომ 2019 წლის იანვარი–სექტემბრის პერიოდში 779,4 ათასი ტონა ნავთობპროდუქტების იმპორტი განახორციელა, რაც 4,3%-ით ნაკლებია 2018 წლის ანალოგიური პერიოდის მაჩვენებელზე, ნათქვამია საქართველოს ნავთობპროდუქტების იმპორტიორთა კავშირის განცხადებაში

    133
  • რა საფრთხეების შემცველია ბუნებრივი აირი
  • საქართველოს მშპ   2019 წლის  II კვარტალი
    Last update: 16:49 01.10.2019
    16:49 01.10.2019

    ვაჭრობა და მრეწველობა: ლიდერები მშპ-ის სტრუქტურაში

    2019 წლის მეორე კვარტალში საქართველოს მშპ-ის ზრდამ, გასული წლის ანალოგიურ პერიოდთან შედარებით, 4,5% შეადგინა, ნათქვამია საქართველოს სტატისტიკის ეროვნული სამსახურის „საქსტატის" მასალებში

    91
  • როგორ შეიცვალა ხელფასები საქართველოში
    Last update: 19:24 20.09.2019
    19:24 20.09.2019

    ხელფასები საქართველოში

    საქართველოს სტატისტიკის ეროვნული სამსახურის („საქსტატი“) მონაცემებით, 2019 წლის მეორე კვარტალში საქართველოში საშუალოთვიურმა ხელფასმა 1179,8 ლარი შეადგინა, რაც 6,9%–ით მეტია გასული წლის ანალოგიურ პერიოდთან შედარებით.

    269

მთავარი თემები