14:18 25 ივლისი 2021
პირდაპირი ეთერი
  • EUR3.6481
  • 100 RUB4.2138
  • USD3.1000
შემთხვევები
მოკლე ბმულის მიღება
63 0 0

ადგილზე იყო მობილიზებული 20 ავტოცისტერნა და ორი მანქანა გასაშლელი კიბით, რომლებიც ცეცხლს აქრობდნენ ერთბაშად ორი მხრიდან - ლაღიძის ქუჩიდან და სანაპიროდან.

თბილისი, 20 ივლისი - Sputnik. თბილისის ცენტრში, ოპერის თეატრთან არსებულ მიტოვებულ შენობაში ხანძრის შედეგად 500 კვადრატული მეტრი ფართობი დაიწვა, განაცხადა საგანგებო სიტუაციების მართვის სამსახურის თბილისის მთავარი სამმართველოს უფროსმა, ოთარ კერესელიძემ.

მისი თქმით, ადგილზე იყო მობილიზებული 20 ავტოცისტერნა და ორი მანქანა გასაშლელი კიბით, რომლებიც ცეცხლს აქრობდნენ ერთბაშად ორი მხრიდან - ლაღიძის ქუჩიდან და სანაპიროდან.

„დამწვარია დაახლოებით 500 კვადრატი. ჩვენი ინფორმაციით, დაშავებულია ერთი პიროვნება. თუმცა ინფორმაცია ზუსტდება. გავრცელების საფრთხე არ არის. დამატებით ინფორმაციას მოგვიანებით მოგაწვდით“, – განუცხადა ჟურნალისტებს ოთარ კერესელიძემ.

ხანძარი გვიან საღამოს გაჩნდა. მედიის ინფორმაციით, მსუბუქი დამწვრობები ორმა ადამიანმა მიიღო, მათ ჰოსპიტალიზაცია არ დასჭირდათ.

ხანძრის გამომწვევი მიზეზები ჯერჯერობით უცნობია.

მთავარი თემები