ზემო სვანეთში ადგილობრივებმა პოლიციელებს სცემეს

© photo: Sputnik / Stringerდაკავება
დაკავება - Sputnik საქართველო, 1920, 18.04.2021
გამოწერა
ბრალის დამტკიცების შემთხვევაში დაკავებულებს სასჯელის სახით 4-დან 7 წლამდე ვადიოთ თავისუფლების აღკვეთა ემუქრებათ.

თბილისი,18 აპრილი - Sputnik. მესტიის მუნიციპალიტეტის სოფელ ხაიშში ადგილობრივებმა სამართალდამცველებს კომენდანტის საათის დროს სცემეს, იუწყება ტელეკომპანია „რუსთავი2“.

მოსამართლის ჩაქუჩი - Sputnik საქართველო, 1920, 17.04.2021
ორი საქმის ფიგურანტი ოპოზიციონერი გირაოს სანაცვლოდ გაათავისუფლეს

შემთხვევა 17 აპრილს მოხდა. მასში, სავარაუდოდ, ხუთი ადგილობრივი მონაწილეობდა, მათგან სამი დაკავებულია -  ძმები და მათი ბიძა. ინცინდენტის მონაწილე ორ პირს კი  სამართალდამცავები ამ დრომდე ეძებენ.

გავრცელებული ინფორმაციით, სამართალდამცველებმა  კომენდანტის საათის დროს პატრულირებისას მოქალაქეები გააჩერეს, რომლებმაც პოლიციელებს წინააღმდეგობა გაუწიეს, ფიზიკური შეურაცხყოფა მიაყენეს და ადგილიდან მიიმალნენ.

მომხდარზე გამოძიება საქართველოს სსკ-ის 353-ე მუხლის მე-2 ნაწილით მიმდინარეობს, რაც გულისხმობს ჯგუფის მიერ ჩადენილ წინააღმდეგობას, მუქარას ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ. ისჯება თავისუფლების აღკვეთით 4-დან 7 წლამდე ვადით.

ყველა ახალი ამბავი
0