„ნამახვანჰესის“ საწინააღმდეგო აქციის ერთ-ერთ მონაწილეს რიონში ეძებენ

© photo: Sputnikსამაშველო ოპერაცია რიონზე
სამაშველო ოპერაცია რიონზე - Sputnik საქართველო, 1920, 10.04.2021
გამოწერა
ჯერჯერობით უცნობია, უკავშირდება თუ არა მამაკაცის გადაწყვეტილება „ნამახვან ჰესის“ მშენებლობას. მან თავისი ტელეფონი ერთ-ერთ აქტივისტს მიაწოდა და წყალში შევიდა

თბილისი, 10 აპრილი - Sputnik. წყალტუბოს მუნიციპალიტეტის სოფელ ნამოხვანში, „ნამახვანჰესის“ მშენებლობის საწინააღმდეგო აქციის ერთ-ერთი მონაწილე მდინარეში შევიდა და სავარაუდოდ, გარდაიცვალა, იუწყება „პირველი არხი“ აქციის ერთ-ერთ ორგანიზატორ ვარლამ გოლეთიანზე დაყრდნობით.

„ნამახვან ჰესის“ მშენებლობის საწინააღმდეგო უწყვეტი აქცია რიონის ხეობაში 167-ე დღე გრძელდება. აქციის მონაწილეები დღე და ღამე ტერიტორიაზე იმყოფებიან და ღამეებს იქვე გაშლილ კარვებში ათენებენ.

ინციდენტი დღეს საღამოს მოხდა.

მაშველები - Sputnik საქართველო, 1920, 07.04.2021
ენგურის სანაპიროზე მეოთხე გარდაცვლილის ცხედარი იპოვეს 

„მამაკაცმა თავისი ტელეფონი მდინარის პირას მყოფ ერთ-ერთ აქტივისტს მიაწოდა და წყალში შევიდა. იქვე მყოფებმა ახალგაზრდა კაცის გადარჩენა სცადეს, მაგრამ ის მდინარის სიღრმისკენ მიცურავდა, ბოლოს კი დინებამ წაიღო“, - განაცხადა გოლეთიანმა.

მისი თქმით, მიზეზი, რის გამოც მამაკაცმა ეს გადაწყვეტილება მიიღო, უცნობია.

„ცხედარი ამ დრომდე არ უპოვიათ. ამ ეტაპზე გამიჭირდება თქმა, უკავშირდება თუ არა მისი გადაწყვეტილება „ნამახვანჰესის“ მშენებლობას“, – განუცხადა საქართველოს პირველ არხს ვარლამ გოლეთიანმა.

ადგილზე მაშველები მუშაობენ. ტარდება საგამოძიებო მოქმედებები.

შინაგან საქმეთა სამინისტრომ გამოძიება დაიწყო სსკ-ის 115-ე მუხლით, რაც თვითმკვლელობამდე მიყვანას გულისხმობს.

ყველა ახალი ამბავი
0