საქართველოს თავდაცვის მინისტრი ჯარისკაცის გარდაცვალების ფაქტს გამოეხმაურა

© Parliament of Georgiaჯუანშერ ბურჭულაძე
ჯუანშერ ბურჭულაძე - Sputnik საქართველო, 1920, 04.03.2021
გამოწერა
მინისტრმა გარდაცვლილი ჯარისკაცის დედას მორალური და ფინანსური მხარდაჭერა აღუთქვა და ობიექტური გამოძიების პირობა მისცა

თბილისი, 4 მარტი - Sputnik. საქართველოს თავდაცვის მინისტრმა ჯუანშერ ბურჭულაძემ გარდაცვლილი ჯარისკაცის ოჯახს მიუსამძიმრა და პირობა მისცა, რომ გამოძიება ობიექტურად წარიმართება. მინისტრმა განცხადება ტელეკომპანია „იმედის“ პირდაპირ ეთერში გააკეთა.

გუშინ მე-4 მექანიზებული ბრიგადის ტერიტორიაზე საკონტრაქტო სამხედრო მოსამსახურემ, პირველი კლასის რიგითმა განწესში მორიგეობის დროს თავი მოიკლა.

„მე მინდა მივუსამძიმრო ოჯახს და აღვუთქვა სრული მხარდაჭერა მორალურად, ფინანსურად. კერძოდ, დედას მინდა მივუსამძიმრო და შევპირდე, რომ გამოძიება წარიმართება ობიექტურად და პირადად მე მექნება სრული კონტროლი“, - განაცხადა ჯუანშერ ბურჭულაძემ.
საქართველოს თავდაცვის სამინისტრო - Sputnik საქართველო, 1920, 04.03.2021
სამსახურებრივი მოვალეობის შესრულებისას ჯარისკაცმა სიცოცხლე თვითმკვლელობით დაასრულა

ჯარისკაცმა მორიგეობის დროს თვითმკვლელობის მიზნით, თავისივე ავტომატური ცეცხლსასროლი იარაღიდან განახორციელა გასროლა. სამხედრო მოსამსახურე მაშინვე შესაბამისი სამედიცინო მომსახურების აღმოჩენის მიზნით საავადმყოფოში გადაიყვანეს, თუმცა მისი გადარჩენა ვერ მოხერხდა.

მომხდართან დაკავშირებით გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

ყველა ახალი ამბავი
0