19:37 22 იანვარი 2021
პირდაპირი ეთერი
  • EUR4.0064
  • 100 RUB4.4826
  • USD3.3010
შემთხვევები
მოკლე ბმულის მიღება
99 0 0

საქართველოში მოქმედი რეგულაციებით იკრძალება კულტურული და გასართობი ღონისძიებების გამართვა, ასევე იკრძალება კვების ობიექტებისა და რესტორნების მუშაობა, გარდა გატანის სერვისისა.

თბილისი, 7 იანვარი – Sputnik. თბილისში, კოტე აფხაზის ქუჩაზე მდებარე ბარ „სახელოსნოს“ პოლიციამ ეკონომიკური საქმიანობა შეუჩერა, იუწყება შსს-ს პრეს-სამსახური.

აღნიშნული კომპანია შრომის პირობების ინსპექტირების დეპარტამენტმა 2020 წლის ნოემბერში, საქართველოს მთავრობის 2020 წლის 23 მაისის დადგენილების მოთხოვნების შეუსრულებლობისთვის, ადმინისტრაციულ სამართალდარღვევათა კოდექსის 42-ე პრიმა–მე-10 მუხლით გათვალისწინებული სამართალდარღვევისთვის 10 000 ლარით დააჯარიმა.

ადმინისტრაციული სახდელის დაკისრების მიუხედავად ბარი კვლავ განაგრძობდა საქართველოს მთავრობის დადგენილებით აკრძალულ ეკონომიკურ საქმიანობას და მოქალაქეები აღნიშნულ ობიექტზე 21:00 საათის შემდეგაც იმყოფებოდნენ.

აკრძალული ეკონომიკური საქმიანობის გამო ბარ „სახელოსნოს“ მიმართ გამოძიება სსკ-ის 248-ე პრიმა მუხლით დაიწყო.

მიმდინარე გამოძიების ფარგლებში 2021 წლის 7 იანვარს სამართალდამცველებმა მოსამართლის განჩინების საფუძველზე ბარში ჩხრეკა ჩაატარეს და ობიექტი დალუქეს – „სახელოსნოს“ ეკონომიკური საქმიანობა შეუჩერდა.

აღნიშნულ საქმეზე გრძელდება ოპერატიული და საგამოძიებო მოქმედებები.

შსს შეახსენებს მოქალაქეებს, რომ იზოლაციისა და კარანტინის წესის დარღვევა იწვევს ადმინისტრაციულ პასუხისმგებლობას და ადმინისტრაციულ სამართალდარღვევათა კოდექსის 42-ე პრიმა–მე-10 მუხლის შესაბამისად, ფიზიკური პირის დაჯარიმებას 2 000 ლარით, ხოლო იურიდიული პირის – 10 000 ლარის ოდენობით. სამართალდარღვევის განმეორებითი გამოვლენა კი სისხლისსამართლებრივ პასუხისმგებლობას ითვალისწინებს.

საქართველოში მოქმედი რეგულაციებით იკრძალება კულტურული და გასართობი ღონისძიებების გამართვა, ასევე იკრძალება კვების ობიექტებისა და რესტორნების მუშაობა, გარდა გატანის სერვისისა. 

მთავარი თემები