თბილისი, 21 ნოემბერი – Sputnik. ზუგდიდის 67-ე საოლქო საარჩევნო კომისიის თავმჯდომარის მირანდა მესხის კუთვნილი ავტომობილი დააზიანეს, იუწყება Sputnik-საქართველოს კორესპონდენტი.
21 ნოემბერი 2020, 09:15
მესხის განცხადებით, დილით საკუთარი ავტომობილი მას დაზიანებული დახვდა. ამის შესახებ მან ჟურნალისტებს თემის კომენტორებისას განუცხადა.
„დილის 7-ის წუთები იყო, ჩამოვედით მე და ჩემი მეუღლე და დაგვხვდა სიურპრიზი. ამხელა ქვა გვერდზე, წინა მხარე ჩალეწილი, უკანა მხარეც, შიგნით ნამსხვრევებად ქცეული ყველაფერი. განაცხადი გაკეთებულია, ზარი დაფიქსირებულია 112-ზე და ალბათ მოხდება შესაბამისი რეაგირება", - განაცხადა მესხმა.
საპარლამენტო არჩევნების მეორე ტური 21 ნოემბერს 30–დან 17 მაჟორიტარულ ოლქში, მათ შორის ზუგდიდში და თბილისის რვავე ოლქში მიმდინარეობს. ოპოზიციური პარტიები მეორე ტურს ბოიკოტს უცხადებენ და კენჭისყრაში მონაწილეობას არ იღებენ. ოპოზიცია და მათი მხარდამჭერები ხელისუფლებას 31 ოქტომბერს ჩატარებული საპარლამენტო არჩევნების პირველი ტურის შედეგების გაყალბებაში ადანაშაულებენ.
ნიკა ლატარია
