23:02 15 ივნისი 2021
პირდაპირი ეთერი
  • EUR3.8829
  • 100 RUB4.4320
  • USD3.2040
შემთხვევები
მოკლე ბმულის მიღება
კრიმინალი საქართველოში (1314)
115 0 0

ბოროტმოქმედებმა ორ მამაკაცს ცივი იარაღის მუქარით თანხა წაართვეს და პოლიციაში მიმართვის შემთხვეაში ფიზიკური განადგურებით დაემუქრნენ.

თბილისი, 14 ნოემბერი – Sputnik. თბილისში ჯგუფურად ჩადენილი ყაჩაღობის ბრალდებით სამი პირი დააკავეს, ნათქვამია შსს-ს მიერ გავრცელებულ განცხადებაში.

ბრალდებულებიდან ორი პირი ნასამართლევია და ამჟამად პირობითი მსჯავრის ქვეშ იმყოფება.

გამოძიებით დადგინდა, რომ ბრალდებულებმა თბილისში, ვაჟა-ფშაველას გამზირზე, მეტროსადგური „სამედიცინო უნივერსიტეტის“ მიმდებარე ტერიტორიაზე, ცივი იარაღის მუქარით, 21 და 27 წლის მამაკაცებს თანხა წაართვეს და გააფრთხილეს, რომ თუ პოლიციას მიმართავდნენ, ფიზიკურად გაუსწორდებოდნენ.

მოგვიანებით, ერთ-ერთმა დაზარალებულმა სოციალურ ქსელ Facebook-ში გამოაქვეყნა პოსტი, სადაც მომხდარ ფაქტზე ისაუბრა და ორი თავდამსხმელის იდენტიფიცირება მოახდინა, რის შემდეგაც პოლიციამ ბრალდებულები ცხელ კვალზე დააკავა.

სამართალდამცველებმა დანაშაულის ჩადენის იარაღი - დანა ნივთმტკიცების სახით ამოიღეს.

გამოძიება მიმდინარეობს სსკ-ის 179-ე მუხლის მეორე ნაწილით, რაც ჯგუფურად ჩადენილ ყაჩაღობას გულისხმობს და ითვალისწინებს ექვსიდან ცხრა წლამდე ვადით პატიმრობას.

თემები:
კრიმინალი საქართველოში (1314)

მთავარი თემები