თბილისი, 5 ნოემბერი — Sputnik. საბავშვო ბაღის დაცვის თანამშრომელმა მესამე სართულიდან გადმომხტარი აღსაზრდელი ხელით დაიჭირა და სიკვდილს გადაარჩინა, იუწყება Daily Mail.
Kindergarten pupil jumping from a three-storey toilet is saved by a security guard https://t.co/ZM3kh0vRIy
— Daily Mail Online (@MailOnline) November 3, 2020
გავრცელებული ინფორმაციით, შემთხვევა ჩინეთის შანდუნის პროვინციაში მოხდა.
როგორც ირკვევა, საპირფარეშოში შესულ ბიჭუნას კარი ჩაეკეტა და ვეღარ შეძლო მისი გაღება. მიუხედავად იმისა, რომ აღმზრდელები ამშვიდებდნენ, შეშინებულმა ბავშვმა ფანჯრიდან გადაწყვიტა ჩაკეტილი სივრციდან გასვლა. მან ყური არ უგდო პედაგოგების თხოვნას და მესამე სართულიდან გადახტა.
Kindergarten pupil jumping from a three-storey toilet is saved by a security guard with his bare handshttps://t.co/FTbrPvAR1h pic.twitter.com/GZUrcyiMie
— dada (@dadababako1966) November 5, 2020
საბედნიეროდ, შენობის ძირში დაცვის თანამშრომელი იდგა, რომელიც ასევე სთხოვდა ბავშვს, ჩასულიყო ფანჯრის რაფიდან და კარის გაღებას დალოდებოდა. მან ხელები შეაშველა გადმომხტარ ბიჭუნას და მიუხედავად იმისა, რომ ბავშვი ხელიდან გაუსრიალდა, ამით მაინც შეასუსტა ვარდნის სიჩქარე და დარტყმის ძალა.
ბიჭუნა სასწრაფოდ გადაიყვანეს საავადმყოფოში, სადაც მას შუბლის ძვლის უმნიშვნელო მოტეხილობა დაუდგინდა. ამ დროისათვის ბიჭის მდგომარეობა დამაკმაყოფილებელია და საავადმყოფოს რამდენიმე დღეში დატოვებს.
