ხობში სამგზავრო მატარებელი 60 წლამდე ასაკის ქალს დაეჯახა

გამოწერა
თვითმხილველების თქმით, ქალი ხიდზე გადადიოდა, მატარებლის მემანქანე ხმოვანი სიგნალის მეშვეობით შეეცადა ქალისთვის ენიშნებინა, რომ ლიანდაგიდან გადასულიყო, მაგრამ ქალმა სიგნალის ხმა ვერ გაიგო.

თბილისი, 28 ოქტომბერი – Sputnik. ხობის მუნიციპალიტეტის სოფელ ნოჯიხევში სამგზავრო მატარებელი 60 წლამდე ასაკის ქალს დაეჯახა, იუწყება „Sputnik–საქართველოს“ კორესპონდენტი.

შემთხვევა დაახლოებით ნახევარი საათის წინ მოხდა.

თვითმხილველების თქმით, ქალი ხიდზე გადადიოდა, მატარებლის მემანქანე ხმოვანი სიგნალის მეშვეობით შეეცადა ქალისთვის ენიშნებინა, რომ ლიანდაგიდან გადასულიყო, მაგრამ ქალმა სიგნალის ხმა ვერ გაიგო.

შემთხვევის შედეგად ქალი მდინარე ხობისწყალში გადავარდა.

შემთხვევის ადგილზე მობილიზებული არიან ექსპერტ-კრიმინალისტები და სამაშველო სამსახურის წარმომადგენლები – სამძებრო ღონისძიებები მდინარე ხობისწყალში მიმდინარეობს.

ნიკა ლატარია

 

ყველა ახალი ამბავი
0