შატილის გზაზე დაშავებულების მგომარეობა გაუმჯობესდა

გამოწერა
ასეთ ადამიანებზე ამბობენ - იღბალი ჰქონია. საშინელ ავარიაში დაშავებულები ხელოვნური სუნთქვის აპარატებიდან მოხსნეს, ისინი დამოუკიდებლად სუნთქავენ

თბილისი, 12 სექტემბერი — Sputnik. შატილის გზაზე დაშავებულები თავს უკეთ გრძნობენ - ისინი ხელოვნური სუნთქვის აპარატებიდან მოხსნეს, განაცხადა თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის კლინიკურმა დირექტორმა ლალი ტურძელაძემ.

პოლიციის ლენტი - Sputnik საქართველო
ავარიები საქართველოში: დაღუპულ და დაშავებულებს შორის მოზარდები არიან

23 აგვისტოს ხევსურეთის გაზე ავტოავარიის შედეგად საექსკურსიო მიკროავტობუსი, რომელშიც 20 მგზავრი იმყოფებოდა, 80 მეტრის სიმაღლიდან გადავარდა. ადგილზე დაიღუპა 17 ადამიანი, მათ შორის მძღოლი და გიდი.

„შატილში ავტოსაგზაო შემთხვევის შედეგად დაშავებულები ხელოვნურ სუნთქვაზე აღარ არიან. ჩვეულებრივ სპონტანურ სუნთქვაზე არიან. მათი მდგომარეობა სტაბილურია, კონტაქტურები და ადეკვატურები არიან“, - განაცხადა ლალი ტურძელაძემ.

მისი თქმით, სამი დაშავებულიდან ორის მდგომარეობა დამაკმაყოფილებელი, ერთის კი მძიმეა.

ავარიაში დაღუპულების უმრავლესობა 30 წლამდე ახალგაზრდები არიან. იმ საბედისწერო დღეს ისინი შატილში ექსკურსიიდან ბრუნდებოდნენ. ავარიის მიზეზები შესწავლა დღემდე მიმდინარეობს.

 

ყველა ახალი ამბავი
0